Pre-wedding photoshooting trip- Venice

係florence酒店食過早餐之後就要上路去火車站了。酒店係正火車站對面真係好方面。自上次係羅馬要追火車一事後我地今次特登早啲去到火車站，今次就係人等火車啦！

坐左兩個鐘就到達威尼斯了！一出火車站就諗起八年前鍾意呢度的感覺。意大利我真係最喜歡威尼斯，我講過我一定要同我最愛的黎多一次。今次真係夢境成真啦。我地會係呢度留四日。第一日就自己遊覽下，第二三日就係威尼斯影相。第四日只有半日之後就要去機場出發到西班牙！

我地到達左之後就買左個最平的60分鐘pass去酒店，呢度travel 好貴，呢程都要24€。好快就搵到間酒店，比我預期中快好多。間酒店AD place真係好靚好modern佢比左間最高閣樓的沒房俾我地。雖然就高左一啲，但就好特式。ben之後過左黎我地間房睇下我地啲衫時都話我地間酒店好多野影，可以係景點之一。


今日無行程的安排，主要係休息下。我地都只係係酒店同埋st macro plaza附近行下。當日係我地83週月紀念，我地去左酒店介紹的一間餐廳食晚飯慶祝下。其實大家黎左意大利咁耐就咳同埋傷風左咁耐，病病地。只係叫左兩個dishes。但因為個menu係意大利文，所以其實都係個waiter同我地發板。唔知點解黎左個龍蝦意粉同埋個好多海鮮的沙律。不過就勁好食同埋唔知幾多錢。酒店人員仲叫我地一定要叫一個soberto la fruitti 其實只不過係生果裡面填滿左雪糕。不過就好新鮮好好食。結果埋單啲海鮮唔貴但個雪糕要200~蚊。哈哈

第二日係威尼斯就正式拍攝啦，不過因為呢度日間時間太長又好熱，所以可以成12點先開始化妝，我地朝早就敷下marks焗下油，化妝師Spensor好細心幫我化妝，set左個好高成個Amy winehouse的型頭。佢知我接受性好高，可以好爆所以就幫我搞得浮誇啲。佢真係一個好好的化妝師，今次佢夾ben係我好鍾意的配撘。佢份人咩都無所謂，又抵得諗。我都要向佢好好學習佢的工作態度。

我地3點化好妝，第一站先係我地間房影型格的相，再到天台影。之後就出去影威尼斯的外景，包括井上面，橋，貢多拉等等，我覺得ben真係好專業，好快手佢已經好熟成個地方，知道點就位，所以成件事都好smooth。佢唔會hea我地，係佢想影多啲，影好佢多過我地。

之後旁晚就換妝，Spensor幫我搞左個好像歌她的艷妝，塗上左好紅的唇膏。好正！

我地去左st macro plaza，途經一間cafe我好鍾意，因為佢係意大利第一間cafe歷史悠久。Tammy好好咁特登幫我地問下可唔可以入去影啲相，點知okay喎我地又可以多個影相的景點喇。

第一日拍攝順利完成。可以休息。不過唔知係咪au腰au得勁，第二日起身個身好像被人打左一身咁。

第二日都係一樣可以12點先化妝，今日spensor話幫我化個無辜妝，即楚楚可憐的，因為佢話見我第一日都會chok出一個可以好可愛的樣。今日我地係casual and colourful dress code,我幫蕭先生襯出一身南洋look好得。

我地坐water taxi去一個島叫buraro。果度有好多唔同顏色的屋仔。好多老人家都會係度生活，好悠閒，襯哂我地好colorful的造型。

下晝換衫時發生左一傷少插曲，我件黃色斜膊衫條拉鍊壞左，搞到我著唔到條裙。好彩佢地幫我買到針線，仲要係ben幫我整番。好彩！我地最後影埋日落就收工啦！yeah係等water taxi 的時候，我地仲玩左個反串，佢地扮我地擺poss我地就打燈同埋影相，好搞野。

其實淨係搭貢多拉同埋water taxi都駛左360€，所以oversea wedding phototaking 係好多錢駛好多其他的開支。但其實我覺得搵佢地影相係應該收咁多的，因為ben俾左少少佢幫我地影的相，未執我已經見到好靚。普通的都影得好特別。真係好期待丫

最後一日係威尼斯，只有半日，因為我地要坐下晝機去巴塞。但蕭先生係臨走的15分鐘竟然都買到野！有人又買錶啦，佢話係意大利真係比係香港買平好多，大約75折左右。佢今次真係滿載而歸啦。唔怪得知佢咁愛意大利啦。

終於都要離開意大利喇，我地坐water bus去威尼斯機場，但要搖成個鍾先去到。威尼斯的機場原來並唔細，幾多野行。我地坐vueling的內陸機去巴塞，其實都幾貴，因為行李要另計。如果想自己mark位又要再計。

西斑牙，一個我未去過的國家。我黎啦！