囍 - 伯大尼decoration

其實好早就搵左forever love幫我果日decorate 伯大尼，但遲左先寫呢個post.

點解搵左佢都係因為係facebook見到佢的相覺得幾靚。quot左價大約千幾蚊左右，包全場decoration including reception table.

最令我impress的係佢會tailor made埋啲有你名or initial的小小報置而唔係好頹咁用完啲裝飾係a再用係b度。同埋佢用的雖然係假花，但其實都好真。

同forever love的christy見過面，佢其實係一個同我差唔多年紀結左婚的一個斯文女仔。係個meeting度佢有問我鐘意的花係咩，想個theme咩色等等。佢會再跟據你所講的去整出你要的。

而家排rundown先覺得好彩我搵左人幫我decorate如果唔係又要啲姊妹幫我佢地果日一定忙到痺。蕭先生其實好唔支持我駛錢去decorate佢話都好快無人會見到。但其實我睇番好多係伯大尼的相，其實係好多時都會影到個場架。咁當然啦，其實你晤講都無人覺你無裝飾的，又係完美主義者作祟。

我想呢個小妮子都可能因為結婚時自己搞decoration搞上癮所以自己開一檔出黎，其實呢個都係我想做的:)

囍 - personalised 絲帶

我真的發瘋了！做得到而又within budget的我都想搞到我的帖係完美的。

因帖中有好多濕星野，有利是有餅卡，有伯大尼的地圖。所以要搵個belly繫實佢地，上網有參考過用牛油紙，或者係letter press style的紙belly,又見過用絲帶。

牛油紙做法係好簡單，但print上去的顏色可能有差異，名帖做到的但收我3蚊一條太貴了。

最後想起我給姊妹的花球都要繫上絲帶的，又好想好像agnes b咁有印上名的。所以就上淘寶睇可以做到我想要的，而價錢又ok.

所以做左兩款唔同顏色的絲帶。淘寶賣家會做埋設計的，溝通上很方便，我只說想字型跟tiffany咁，佢就會send個design俾你，好方便。

送到黎質素都好好。可以用上我的帖上囉！

淘寶LINK
http://store.taobao.com/shop/view_shop.htm?spm=a1z09.2.9.157.UGzVTN&user_number_id=1088782703
http://trade.taobao.com/trade/detail/tradeSnap.htm?spm=a1z09.2.9.160.UGzVTN&tradeID=310369640960291

囍- 帖自作業=自作孽

同名帖講好如果有信封先call我，因為我仲要花時間去燙花同埋個名上去。

我本人其實對係帖上面用手寫上名好反感，因為我的handwriting唔靚同埋我覺得誠意唔夠。所以我決定要親自燙上賓客個名。

其實之前我都練習左好多次燙名，加上我係paperart買左個有measurement的阿膠力膠，佢可以係膠上面先排好位，又可以make Sure度佢印出黎係直線。

但我最近買左個好大的lace印章which is 好靚，我打算印上去做花紋，但難度都好高。因為太大個，要make Sure 成個印章都有膠水先可以印得靚。

尋晚信封到手都急不及待去開始啦。一整就整到我四點，都只係印得80個lace印同，埋埋試左印十個，名都成功。

好好玩，但就真係好浪費時間同等於慢性自殺。

囍-seal With logo

之前係意大利其實我地已經買左一個有我地倆個的seal,但無design可言。但都唔平。初初諗住唔再整，就用果個去seal帖。

但又俾我係淘寶搵到個好平，只係rmb36一，個來稿做。我就send左我地個logo俾佢，佢話做到！

之前收到貨，真係做得好靚好仔細，效果好滿意。我仲幫襯佢買埋臘。RMB4一條可做六個印。

但試過後，發覺啲臘好膠。無年係意大利的好，但但印就超靚呢。

好，我的帖又，多一分完美。

囍 - backdrop

101 Forest 的ann 好快手咁幫我design好logo, 個logo係我叫佢用roberto cavalli style整的，好快就選好。

而backdrop的version 2 都好快比左我，我叫佢參考的laduree style都做到，而家就只係執埋啲細節就可以啦。

佢on top on the backdrop的foam board 實物都要加錢的。但佢都唔算狼死果啲咁不斷叫我加野，暫時。我同佢講有啲咩唔想加佢都okay好順攤咁改左，都會從靚的角度去睇，而唔會為左賺你錢而迫我。

So far 我，都好滿意。

囍 - personalised lai see pocket

整帖整上癮，我真係好有要求，蕭先生叫我做BIG SPENDER真係好岩！
但我真係好想有一套好完美的invitation card，既然有LOGO就要好好利用，上網SEARCH左一間BLOGGER介紹的一間叫“囍帖廊”有得整個人化的利是封。

我打去問200個可以＄1.4一個，包燙金同埋可以選利是封顏色。

今晚去左油麻地係in's point的分店直接落單，好快手就傾好，佢地仲好手SEND左個稿比我，好快手，3個星期後就可以攞貨LU：）


囍帖廊

https://www.facebook.com/lovegallery.page

囍 - wedding gown

尋日又上左去lovis sweet 度試衫啦！老闆佢地真係好好人，我搞搞震無幫襯，只係上去試多次我上次hold左果件，同埋比較一下vw white line最signature果件。

結果我都係最鐘意佢ball gown形果件。第一次試可能覺得會好肥，但今次睇真啲，其實佢改好之後會好修腰，因為上身係corset形而且腰間向下v,下身大就顯得上身會細啲。

相反signature果件係好穩陣，但真係無乜特別。加上真係好多好多我身邊的人都著佢。

Chole好好同我分析覺得我應該著ball gown款，因為靚啲，無咁同人撞同埋難得我係教堂行禮，有大拖尾好緊要。咁都係的，同埋我自己著上身都真係好鐘意。

我今次上黎仲試埋我之前上david bridal見到vw white 的新款，佢地件衫都係剛剛到。一著左上去，真係好靚。慘又中伏！佢因為有一層dirty pink colour 反而仲襯我黑黑地的膚色，仲可以做晚裝！

其實我真係想講vw white line真係新娘的不二之選。真係條條都好靚，雖說不是vw本人設計的，而且啲人話質料很不好。但我去過central試過vw main line咁當然係靚好多，咁十幾萬同一萬真係爭好遠！

不過chole都同我講唔好因為靚而去再租多件衫，真係諗清楚先啦！

算啦，著過就算！

囍 - 帖

帖呢個task玩左我好多日，終於都可以暫時放低喇，不過成個過程真係一波三折，而且而家先至係開始。

蕭先生成日問點解我咁在乎將帖，都係通知人的一張咭jeh.但我自己覺得帖係你俾人對你的婚禮的第一個印象。人地收到你張帖，覺得好tui的話自然就會覺得你個婚禮咩都會好tui.相反你的帖是出自細心的話人地就會知你整個婚禮都係有俾心機的。

帖呢樣野真係豐儉尤人，有人用酒店送的，有人整到成個盒咁的。上至百元下至唔駛錢的都有。

我自己就一向鐘情於西式帖，因為崇洋。但一般的西帖唔會太平。初初睇過淘寶，但好多都係幫你印啲字係張白紙之後就黏上去啲咭度，但勝在平。

去過百利商場睇，收的係香港價，但好多都係淘寶款，個勝在同香港人溝通，無咁容易錯。

之後諗住係david bridals度訂帖，價錢合理，只係13-15左右一張。上網睇過外國人寫的comments都好正面。仲可以寄啲samples你睇添。我真係連款都諗埋架啦，sample都order埋去美國朋友屋企。但一路同david bridal staff email contact時，先發覺好多問題。第一，佢係可以印中文，但當ai樣咁直印落去，無design可言。第二，人地係外國，印錯左啲咩都可以成批refund 再印過。但我如果之後發覺有咩錯都無野可以搞，無理由臨時臨急先去再印架。從我request sample到我朋友係美國收到都要成兩個星期，我真係驚我一定會急死。結果放棄左，都係香港整穩陣啲。

但我對david bridal的design仲係念念不忘，於是我試下問下名帖可唔可以做到david bridal的style.唉！佢又話得喎，咁當然係有錢說做咩都得喇。但quot完個價又可以接受喎！於是我又精神起上黎，好積極咁搵我想要的style啦。再親自去名帖同佢傾。終於都confirm左我的design啦！

因為我之前係婚紗展join左名帖，佢基本張卡的錢有八折。最後又加左印中又印英，又加uv又燙金，埋單4600 240張。唔駛20一張，價錢可以接受。

但下一個挑戰就係我的diy啦，希望快啲收到帖可以快啲比我加diy啦！期待

睇住黑白稿同中交版先， 其實我覺得英交版係靚好多的，所以印中交都係為左親戚印的

位於灣仔的名帖

囍 - 帖

幾經辛苦帖呢方面終於都有左個定案了!!! 雖然未有HARDCOPY到手,但都已經見左初稿,感覺好滿意.不過整呢張帖真係一波三折