機票是用Asia miles換的，所以都係要選擇羅馬為首站。坐凌晨機，上機前當然就係去我覺得有香港最好食的魚旦粉食的lounge到訪一下先。今次坐我地前面的係一個不斷喊的外國bb佢不斷咁喊，好嘈搞到我成日醒下瞓下，不過我諗13個鐘頭機我都瞓左☆個鐘。因為有啲唔舒服，想盡快好番。而且知道第一日行程都好趕，所以要趁機休息。
到達羅馬機場，過關真係好簡單。攞行李一切都好順利。搵車搭同埋搵酒店都好快完全。我地入住的酒店位於manzoni metro station, just 2 stations from metro termini and 4 stations from colosseo 房間好modern好乾淨，幾好！
之後我地就開始我地行到腳都斷的羅馬一日遊！先由羅馬鬧獸場開始一路行，途經好多名勝，包括萬神典，願望池等等。今日可能唔係weekend所以唔係好多人。其實呢度治安真係唔算好差，雖然我都發覺會有人望下我地啲袋同埋乞錢但只要你麗住佢地就會自然走。
雖然未到巴黎，但自從去左西班牙廣場的名店街之後，有人就失守了！鞋，皮帶就連床鋪都買埋，不過又真係好抵的，本身已經平過香港，仲要特價半價，真係好吸引！
今日除左名勝外，行得最多就係賣酒同埋意分的小店舖，因為有人好喜愛食！而我就反而好控制到，只是被celine的一個袋迷惑了一陣，但都係無買到。不過已經feel到今次都會兇多吉少。
今日貪左好多野，同埋係意大利好口渴，成日要飲水同埋可樂！今日被外貌吸引但唔好食的tiramisu呃左，但食左gelato, lasagne beef tata同埋搵左好耐好多人食但又好好食的pizza!
肥死了！但仲要影相架！超攰，要瞓先啦^_^
沒有留言:
張貼留言