囍-DIY結婚證書套

好耐都絛無UPDATE我的BLOG喇,因為近排KEEP住忙緊搞婚禮上的細微野,開始緊我的RUN DOWN,發覺真係好煩,好多野都諗,同埋好多時都唔係你想像得到的,好多PARTIES都要配合,好似MUA, PHOTOGRAPHER etc.etc.而家都係寫住先,最緊要係要諗得好清楚果日每一個時間都帶埋,帶少一樣都唔得,開如覺得好緊要喇

而家晚晚都唔係瞓得好好,好多野都係度諗好多結婚的無聊野. 唉,我諗都係因為我呢個人,太多諗頭,搞到自己呢樣又想整,果樣又想整. 盡希望自己的婚禮係會好完美.但我諗有時候真係要收手,比得太多野自己攪,壓力就會好大!

不過整手作仔呢樣野係我自己好ENJOY的,所以我好努力咁DIY左自己的結婚證書套.

我係PRINTS度買左個PURE RED的結婚證書套,裡而就當然要有我地的結婚相喇,出面我諗左好耐點知可以整個燙金字,出去問左,原來要倒個模,成幾百蚊,又未必肯接,於是上網見到人地話可以自己燙金,所以就去左PAPERARTS度買左套字母,膠水印台,金粉同埋熱溶槍,(其實咁樣都唔平.,不過就勝左唔係ONE-OFF,可以番做好多次).

係紙上試左效果真係好好,但上到去我個布做的證書套上就唔係太起到突出的效果,反而就出左個VINTAGE的味道,哈哈.無所謂喇,反正係大家一手一腳做的.

等我下次都整左其他野,例如BDAY CARD,利是封等等,唔好蝕左我的INITIAL COSTJ

韓戰

講左咁耐，終於都同到中學同學去到旅行啦，由幾年前講到而家，一直因為要等齊人，大家come up with一個地點，就時間先可以一齊去到旅行。雖然最後都只係得番我地兩個，但就係因為少人，所以先就到。不過我覺得有心去就點都會做到。

韓國，係因為可以滑雪，可以行街的一個短trip.我地好efficient就買哂機票同埋訂埋酒店。

第一日座凌晨機，發覺原來老左真係唔可以坐凌晨機。因為個人真係好攰。記得我地一去到市區，落左車之後行唔夠十步可能因為身體好虛所以好凍，凍到我地要即刻走入去seven飲熱野。下晝仲攰到三點就要番酒店瞓覺。哈哈。

係韓國機場發生左個小插曲，有人攞錯左人地個行李囉，不過佢果個同人地的又真係好似的。好彩韓國人都helpful好快搞掂件事。

韓國真係好凍，第一日應該係最凍果日。我地諗，如果之後日日都係咁。不如留係酒店算啦。我地拖住行李搵酒店時真係好痛苦。

我地住的酒店叫hill house hotel, 行去明洞都要十分鐘，最近的地鐵站係會賢站。最痛苦係要行上斜路先到。酒店附近環境麻麻，但房間乾淨，同勝在平。包早餐，但好簡單，只有breaf, butter, jam and egg.

我地第一站係去東大門，未去東大門之前先去有blogger介紹話好啲人話好食的issac食個早餐先。佢位於明洞站4號站

東大門有好多商場，但係我地去到真係好失望，可以不去。我地行左doota!靚的就超貴，貴過銅鑼灣，平的就唔靚的。再到hello apm,真係不堪入目。簡直好似去左羅湖商業城一樣，無人行。啲鋪頭一見到人就好似水魚黎啦一樣。

失望到我只係勉強咁買左一件衫。之後去左廣藏市場，其實係好多間大排檔一樣，但食的野就檔檔一樣，老係豬脾，年糕，粉絲等等，我地都做下當地人坐低左食lunch.味道正常啦。

夜晚就去左樂天duty free買護膚品，真係好抵！本身tax free之外，visa platinum card仲有85折。平過出面好多，所以有咩第一時間去左樂天duty free先，無賣的產品先去明洞補。仲要print定d coupon出黎用！

果晚一抽二lun咁拎到我地死死下，走左去食那度香，地道韓國菜，平宜又好食，我地試左陪隊鍋,有面，粉絲，午餐肉，腸，材料好頹但都幾好食丫。仲有海鮮煎餅都好好食。

第二日就係最期待的滑雪日啦，我地選左較新的昆池岩滑雪場因為距離市區都只係40分鐘。仲要有free shuttle,但要早一日預約。我地係舍堂站上車，大約一個鐘就到。所以野都真係好新，但樣樣野都要收錢，租shoes, plate, cloth,lifting pass等等。因為大家都係第一次滑，我地就搵左private coach一對二教我地，全部野大約1,500左右。但我地個coach就認真麻麻，好hea成日都唔係好理我地，不斷叫我地行上個slope再衝落去學stop. 我地飛左去好遠，佢只會問where are you going? 不過我地最後都可以去到高一啲的地方自己滑，真係好好玩丫。由於時間關係，無搭到吊車去再高啲的地方自己玩。

我地決定下次要玩snowboard!! 玩到全身好攰之後就去明洞搵野食，雖然攰但由於明洞的街太多野行，我地行左一陣都買到好多無聊野。特別係artbox,韓國文具又平又靚，真係買得好開心。我開始對韓國有啲希望！

第三日為SHOPPING DAY, 好多人都話如果想買潮物,就要去弦大/梨大果邊, 因為近大學,所以好多野都會平d. 我地10點左右出發,去到弦大先11點左右,原來好多鋪頭都未開架,要起碼2點先開. 途中見到好多好有特式的cafe但都唔係開哂. 見d野未開都諗住坐下人地d cafe,但我地其實今次黎的任務係要食橋村炸雞的!因為坐左cafe會無quota食炸雞,所以我地放棄左cafe,先去食炸雞.

雖然叫弘大站的橋村店,但一d都唔近,要周圍問人先問到. 但個炸雞真係好好食呀,鋪頭只有一兩台客.我地點左spicy+honey  combo, 一藍有30隻左右,起初都以為食唔哂,好在有jane包底. (佢仲要到胃痛tim><)

弘大果邊真係好多野行,雖然好多人都話佢D BOUTIQUE賣的野都係係東大門度買番黎但只不過係擺得靚左,但係感覺上啲衫真係靚D同型D. 我地去左JANE細妹介紹的stylenanda, 果然係潮人必行的鋪頭:) 我地大家自如就可始瘋狂買野,直至到買到夠鐘買到無哂錢為止. 我地臨離開弘大時見到一間賣鞋的鋪頭d鞋好靚,入左去就不惑自拔了,明明話唔再買鞋的我又買左兩對鞋,因為真係好抵,$300就有一對ANKLE BOOTS同埋jimmy choo款的高跟鞋.因為比現金係平D,我真係買到得番W2,000.

我地好驚去到韓國係不斷行街 (雖然結果都係),於是我地決定要欣賞下人地韓國的文化就係睇NANTA喇,之前都聽聞係好好睇,又感覺上好似STROMP,所以點都要試下喇,我地只不過係睇最平的飛,$280左右,又真係幾好睇WOR,有好多笑位,有肌肉睇又有STROMP睇. D演員真係好落力演出. 大家都被SEXY GUY吸引左.

黎韓國我地講過一定要食烤肉!!!於是最後一晚我地係明洞決定要食烤肉!!可惜無哂錢又要再唱,哈哈! 我地睇書介紹左一間話好有人氣同埋要等位的烤肉店,點知去到得我地一台客,仲好似就快要收工咁,我地點左一盤牛同埋一個牛肋骨煲.係就係好正宗,可惜佢可能因為趕住收工,佢將我地啲肉一次過烤哂,仲要好鬼死HAI,香港好食好多囉(但最後問番人原來韓國食的烤肉係咁架)!但個牛肋骨煲就真係好好食!!係香港都未食過咁好食的, 而個老闆同嬸嬸就好鬼熱情,又同我地影相!食完之後我地話我地都係岩係香港食韓燒多D:)

話就話係出黎揾野食,但果晚我地都係明洞又行下街,結果又買左野,不過最多果個都唔係我,有人就話唔好比佢再買喇,但係最終未又係買左囉:)

最後一日係韓國了,今日我地行程係無的,只係周圍食下,CHECK OUT左我地去左我之前經過大家都話想試的ZOO COFFEE坐CAFE!間CAFE真係好我STYLE,同的係豹紋/斑馬紋杯.周圍都好多公仔,啲野都幾好食.

我地講講下, 笑笑下,影下相都搞到12點喇,之後大家就似住左係韓國的唔駛番工的闊太咁好自然離開左間CAFE就行去LOTTEE再買一D護膚品,感覺好似好熟路好悠閒咁. 最後努力埋駛埋D錢去買多少少手信就剛剛好耍走囉

最後一餐我地食左人地話去韓國又係必食的辣雞炒飯, 我地仲懶醒咁自己炒,點知原來D雞未熟就加左炒飯去煮.個STAFF睇唔過眼要即刻STOP我地,最後都係幫埋我地煮. 其實呢個飯好平但又幾好食WOR:) 仲可以玩下煮飯仔,不過又一次證明我地係唔識煮飯的

今次韓國之旅大家都買左好多野,不比去日本的少.兩個女仔去真係好好多,因為真係成日行街多,有男人去都只係岩滑雪,9年無一齊去旅行,但我唔發覺大家有咩有變化,我仲係咁鍾意搞花神野,佢仲係咁鍾意食朱古力同埋仲係咁WELL ORGANIZED

兩個人,雖然中間好幾年係生疏左少少,但係呢4日FULL DAY大家都再深入咁認識了大家,大家都係咁無所不談.

說好的,我地下次兩PAIR人去但係去濟洲,好嗎?

囍﹣my evening gowns

一直都為evening gown而煩惱，究竟租定買好呢？

一直係度諗，其實租好浪費錢因為自己又擁有唔到，於是就圍online shopping, 包括harrods, saks, rachel gilbert, 去lanecrawsford, BCBG等等咁搵，有D睇中又覺得好貴，接受的價錢下試過上身蕭先生話太普通，好似去飲咁， 唔似主角。

又諗過去利時一間做ruffle裙的造一條紅色的evening gown, 佢收我hkd8,000，我覺得好貴，加上我真係無機會再著。

做誇張的就只限著一次，之後唔通去飲都著成咁咩？！造件casual 喲又太普通，始終結婚都係要著到似新娘的。於是決定都係租！

我係facebook見到好多人like kir royal的衫，佢facebook好多相，仲要有好多tvb藝人做model著過行show. 上blog睇comments有好有壞。但點都睇下喇。有一日放工上去，佢係中環雲咸街，咁熟ge?原來係cocoon附近，上到去好唔得，因為好多衫但好亂，並唔係平時我去開試衫好靚好舒適的地方。心知不妙。

我一早send左email比佢地話我想試邊件，可free trail3件。我一心想搵紅色同埋pink/ nude色，所以就好快知道我想試咩。兩個sales 一齊幫你，好快手又efficient咁搵哂我想試的。

點知著上第一件就愛上左，有點誇張又襯到我， 佢就係我想搵的款了！！！

再試埋其他紅色的，有兩件我都鐘意。有人話佢地D衫其實都好尖沙咀貨， 但我又覺得okay wor,因為勝左多款，好貼身的又有，好大件好ball gown款的又有，一件衫有好幾件又多顏色。最緊要係中環區的，又咁平的真係無，仲要D sales好無所謂又比到意見我。算係咁喇。

所以我最後都join左佢package, hold3件但比兩件錢only. 真好。

佢仲會不斷出新款，又可以轉款。原來好多影oversea pre-wedding的都搵佢，因為佢價錢平同埋夠誇張。

以下就係我選擇左的，如果唔轉款的話：

囍-our wedding suit

最近唔知係咪因為見時間知多，所以好多野都efficient左。最一個星期，搞掂左蕭先生的wedding suit同時搞掂埋我啲evening dress.

我啲同事身邊的朋友都介紹左luxe同mode呢兩間租tux的俾我。上網睇佢啲款見到luxe的比軟好款，想反mode的就比軟老肚，唔知係咪因為佢搵外國人做model始終都覺得香港人著可能怪怪的。

於是搵個假期先上luxe睇下先。luxe其實係蘇老闆開的，一開頭仲以為佢會好華麗明星賽tim,間鋪好企理仲比我女仔試衫的地方還靚。

Sales阿nick真係一佃好sales。但唔太迫你租好貴的野，仲好專業。仲不斷被好多款蕭先生試，佢地勝在多配搭，換少少野就有仲換左衫的感佢最encouraging的係佢不斷話蕭先生其實唔肥，如果努力啲就可以著更細的size.

蕭先生試左黑色，白色同埋紅色絨面的tux.第一次見蕭先生著白色，感覺到結婚的感覺了。nick幫佢加左好多配搭之後仲可以著瘦左個人。最後我地租左兩套先。

Package如下
一套2,000;兩套4,000;第三套就平啲。
不過我覺得男仔如果只要好快換件外套就可以以第二個look示人的話都可以考慮租多套衫丫。

其實蘇老闆真係好識做生意，因為我地都覺得奇怪，點解蕭先生可以全部著細碼呢？

問番佢先知原來最大都只係M SIZE，而細碼下面仲有加細，加加細，真係好勁的marketing，等蕭先生咁開心