Pre-wedding photoshooting trip- Florence

瞓左一晚好覺，就有一頓好warm的早餐。由apartment的host準備的早餐，好有家的感覺。一個暖暖的牛角包可塗上朱古力醬。好味過中環landmark出名果個。加上一杯波羅汁同埋一杯好滑的熱朱古力，同個host傾下係羅馬發生的事，很warm

之後就要出發去火車站去florence，由兩個gip變左三個gip之後真係煩左，因為要穿插係好多人的metro又要驚人地會偷野，所以行得慢左。最後要跑到火車站趕9:45的火車。好彩最後去趕上。

一個半小時的車程就帶我地去到另一個城市florence了。今次間酒店係正火車站。好方便。好快就搵到。間酒店真係好靚，佢成個design都係我地新居想要的style。

settle down就出發上山去st Michael Angelo plaza。好記得8年前我同pat pat黎的時候係行上去的，行到死死下，真係好唔明點解當年會行，其實搭巴士都只係1.2€。但架巴士好焗無冷氣，仲要搭左9個字，真係裡面都濕埋。

但個景好靚，不過蕭先生都係本住睇過就得，快啲去有冷氣的地方就好的心態，所以留左10分鐘就走左。回程之後就諗住去聖花大教堂，點知途中見到間roberto cavalli的cafe好吸引，於是試下。點知好驚喜，唔貴，仲要好好味。蕭先生話入親黎食野的人都係潮人，好多都係名店sales。

好啦，應該係要向教堂出發，點知俾蕭先生發現左間Hermes! 出事了，裡面全部都俾香港平好多！一條tie都只係145€,twilly105€, one set of expresso cup 125€ 不能忍手了。尋日有人先買完belt今日又買野，第二日jar想點？！

幫朋友問想要的lindy竟然有貨!不過因為搵唔到個朋友，所以無買到。但呢開hermes係我見過全球最大的，所以貨都多好多。

出左個門口唔夠5分鐘，蕭先生又出動，買左對tods痴線架，兩日兩對鞋！我第一次去旅行遇到比我仲買得多野的人！

搞到我地要先回酒店放低啲野先可以再出發。四點啦，終於可以去到聖百花教堂，雖然我已經黎過，但都仲會被佢教堂的宏偉嚇親。

之後就到我出手了。潮拜faragemao因為florence的shop係總店，好大間仲有個meseum。咁當然有收穫啦，yeah！

之後向舊橋的方向行，食下gelato睇下風景，好寫意同埋浪漫。我地兩個都鍾意呢度多啲，因為啲路容易行啲同埋治安好啲。

還記得舊橋日落的風光，沿著橋邊行至酒店的情景。輕鬆無壓力般漫遊花都，感覺好像跟8年前完全不同。

晚上到酒店附近的餐廳食飯。呢間餐廳trip advisor評分有4.5/5分。味道果然不錯，價錢合理。係意大利當然要試下意大利粉啦，點左個好簡單用Oliver oil and red pepper炒的意大利粉，蘇民峰話咁先係最好食的。還點了青口 and cheese aparagas。最後仲俾多次機會tiramisu，今次呢間就好食好多了！無遺憾了，食到好食的tiramisu