囍 ﹣ 明年今日

明年今日。二零一三年六月一日。就係我地的大日子。
仲有365日。

好多人都以為我好快就結婚，但原來仲有一年時間。但其實一年都唔係好耐，轉眼間就到的。
所以好多大ITEMS都已經SETTLED。因為我知黎緊應該會忙好多，所以好多野我都係做左先。
可能因為咁大家都以為我好快就結婚。

呢一刻的感覺未係好緊張，但又唔係好想呢一日咁快到，因為我好ENJOY而家準備結婚的日子。可能結左婚的生活會更好更開心，但我覺得而家好開心就好想KEEP住呢一刻：）

FB上張SAVE UR DATE CARD係我自己用PHOTOSHOP整的。而個LOGO就係我細路DESIGN的， 我覺得好靚係我想要的。

而最近上網時發現左個好好的WEBSITE，佢有好多FREEBIES， 可以好簡單的整唔同款的CARD。因為太靚了，所以我一口氣整左好多款。用黎SEND比我的好朋友仔

其中包括：

希望到時我的好朋友都會出席見證我地的大日子喇

Weekend 萬歲

很久沒有過一個這樣爽的週末。真係好開心。

做下yoga。出身汗。
行下街。搵下家品。一步一步的置我地的家。睇下戲再飲杯starbucks。

走堂的星期天。可以自然醒再出下街。

這種生活不需週週有。但偶爾的一次原來感覺很好。

christina 這個人

這個人的背景不說太多。但認識佢竟然係因為一隻MEGA DEAL AIA。
這個律師不像律師。作為REGULATOR真係無諗過可以一隻DEAL而認識了一位朋友。
對於呢位朋友我只可以說勁。

是她令我都有心動過去做一個律師，但當然最後無實踐到，但亦報讀了相關的。
她是一位我可以不怕得罪，可以咩都講的一位朋友。

昨晚火鍋聚@大坑。為你的好消受感到SURPRISE同埋高興。
好多謝你的簽名版書，我會自己買你今年的新書。

官場上，可以有人是為了著數而認識。但我看不到這樣的動機。因為我倆之間談的是喜愛夜蒲。

謝謝你讓我對王迪詩有更深的認識。

囍 - 1st Meeting with photobyben

終於都見到BEN的真人喇, 原來係會緊張的。

1/8 就出發去意大利, 衫方面大致上都FIX左。於是22/5就要同BEN第一次會面。
但係我無諗過原來佢的STUDIO係係觀塘的一個工廠大廈。我地果日係APM開始一路揾,終於揾到一座叫毅力工廠大廈, 個感覺就好似長沙灣批發城咁, 又好似TVB劇集中D毒販製毒工場咁,初初都以為自己揾錯左, 因為去到12樓仲要行上多一層, 佢門口出面又有好多人係度練拳。不過去到見到佢個門口就知道呢度就係喇, 因為佢個門口係好PHOTOBYBEN STYLE。

一見到佢感覺佢係好NICE的, STUDIO好有家的感覺, 咩都有, 有張桌球台,又有遊戲機。眼見有好多台電腦應該係用黎執相的。一黎到佢就問我地D衫揾成點, 我就講哂我係WENDY度造的衫款同埋點樣變化比佢知, 原來佢都真係會COMMENT ON你選GE衫係唔係佢STYLE。好彩佢都話好OK好多變化同埋夠大贍。

之後就溝通左點約, 個過程會係點之類。哈哈, 原來而家蕭先生先知我地係影足兩日架, 佢一直以為一日。咁而家係唔係覺得抵左呢?! 佢SUGGEST我地除左影VENICE之外, 仲可以去埋BURARO, 因為果度都好靚同埋有變化D。咁都好呀, 因為可以影多個地方同埋唔駛影來影去都係成日大家都見到的VENICE景。

佢仲要我地揾一D自己覺得好鍾意的相, 因為想知道我地想影出黎的感覺係點。其實我同蕭先生一句講哂瘦就得架喇。原來佢係會執相的。搞到蕭先生唔駛減肥喇。




但佢提我最緊要出發之前帶蕭先生去修下條眼眉, 哈哈

Home sweet home - furniture hunting

尋日番左成日工，今日一定要去番說好的sogo血拼。今日沒有奢侈的消費，只係不斷的去sogo franc franc ikea GOD等攞下資料，構思下我地將來的家。其實我真係對屋內的裝修家品無任何要求，所以只要你喜歡就得啦。我唯一要求係有一個地方俾我化妝就得啦。

買左樓之後，我更加感受到有個家的感覺。我地會計劃放左工之後會唔會煮飯，養唔養狗等等。令我覺得蕭先生真係好可靠。

由於結婚同置家同時間進行，搞到呢排好忙。而家唯有分頭行事。家就由蕭先生負責，而我就搞埋婚禮上的細節。真係忙到一頭煙。

Home hunting

今日二零一二年五月十六日，好有幻得幻失的感覺。因為好突然咁買左樓。

其實好記得我地兩年前開始睇樓。第一個屋苑睇的係又一居，無買到。之後睇的就係浪澄灣。一睇大家都好鍾意，有好多原因，而且好多次都係無緣分咁無買。

最近有一日地鐵經過奧運站，我係度諗佢會唔會突然開賣佢未賣的其它期數呢？點知突然間，真係好突然咁開賣佢五年都唔肯賣的果五期^ ^但恆地賣樓一向好奇怪，佢只係賣其中一座。

仲要只賣其中一半先。我地剛剛的星期六去左睇佢現樓單位。其實唔駛睇啦我地其實佢既好多個單位我地都睇過，所以好快就入票。

但之後一直都好驚佢個價會開得好貴。又驚無貨。好彩佢出價單時又唔係好aggressive 我把afford 得起的單位可惜唔多，就更加驚買唔到。尋日個agent 同我地講可能爭唔到，而且只要佢一有貨我地就要即答要唔要。萬一佢搶到個超低層或者超貴的都唔知點算。

尋晚佢同我地講佢果區分得一個單位，點知搶唔到。尋晚都好灰因為覺得我地俾一筆咁大的錢都唔可以選擇自己鍾意的，呢個咩世界丫！


點知今日有奇蹟出現，佢話搶到一個單位，樓層又適中而且又係我地想要的方位。真係好多謝我地的agent 兼好友Tom ku 佢真係好好。真係有咩都要搵佢仲要請食飯。

所以今日好突然要好早離開公司，跑去簽約。簽果一刻個頭好像blank 左咁。咁樣就揹左個債了。呢次蕭先生真係有壓力，要好快咁調配資金，佢仲忍痛咁賣左佢的最愛紅酒。

他就是那麼的可靠。

好啦，要節衣縮食啦，我唔理之後升定跌啦。我地終於有我地的安樂蝸了。

囍 - 尋掛

上一次去左冠南華試掛，大約有一個概念自己著掛會係咩樣。今日母親節飲完菜，突然諗起不如帶媽媽去睇下掛啦。

去左好多blogger都讚抵的永隆，去到發覺好多人都迫埋一齊租掛。我一直都好想試下傳說中的掛皇。全部都係用金銀線整的掛，一點紅都無。但著上去後，蕭先生同媽媽爸爸都反對。佢地話我著得太老，唔好睇。咁好啦，拜拜啦，掛皇。

之後試左第二勁的掛后，即金龍金鳯大五福。比剛剛的掛皇後生很多。大家都話紅一點比較好。但由於永隆的掛好舊，不太好看，所以最後都只係睇下算。

一路行上海街諗住走，點知經過錦發，佢都係租賣裙掛。入去都睇下，發覺佢的掛比較新，佢比我睇哂掛皇，掛后。最後佢仲攞左件好新的掛后比我同埋無端端話因為見母親節，減左三百比我，我見而家咁難得屋企人又貨度，都係咁既樣架啦，所以有緣地就訂左啦。

即刻封掛。發覺真係扺過冠南華好多。當然冠南華手工係最好，但其實以價錢黎講，一啲都唔抵。

好啦，咁又搞掂左一個task

煩惱

我日日嘻皮笑臉，看似好開心。總是給人意見，看似看透一切。

但其實我都有煩惱的時候。我會哭，會有不想跟人分享的煩惱。

囍 - gown hunting @ bliss

Bliss 係我睇人地的blog介紹過加上係婚紗雜誌度見過佢的廣告，覺得佢係走simple but elegant 的路線。所以都有興趣去睇下。

之前去cocoon時想順道去埋^ ^點知原來佢星期日唔開。加上從前佢係cocoon上面，但而家就搬左去Stanley street 。上次試完cocoon同埋上環的Verona 之後都促未有果種係佢啦果種感覺。但今次真係好有果種感覺。

今日原本諗住放飛機唔上去free trail 兩件的。但算啦，趁呢排無咁忙就好搞左去，所以遊左工就行過去，都好方便。

上到去點知就撞到小中學同學，哈哈真有緣。上面感覺好舒服，好大好乾淨，可能因為仲係新搬黎。

出黎介紹我的係一個男人，呢個我知道因為有mj已預告左，佢應該就係老闆ben, 但感覺又唔會唔慣喎因為佢好有designer的感覺。有少少毑毑地的感覺，哈哈。佢會先問你有咩特別要求，想要點的款。
如果你無咩特別preference ，ben會俾啲好專業的意見你。大致上睇過佢的婚紗同晚裝都好靚，俾我的感覺係可以係佢度租哂所以野都得。

我依然鍾情於mermaid款，佢話我身型都carry到。佢仲介紹左一件叫trimpeu款俾我。佢都俾左好多意見我，例如唔好著得太立體唔適合我又唔好著膊頭有野的最好著tube top款。佢講的野真係好專業佢會用好多好fashionable的terms。

佢好知我要乜所以好快就塭左我想試的兩件婚紗。一試上身就好鍾意，佢的cutting真係好靚，款好trendy又elegent，最緊要係著得我瘦左，定係我呢幾日積極做運動有用？


最後為左可以enjoy個early bird discount我即刻都度左個deposit hold左件我的最愛先。

最後佢仲同我地傾左好耐啲fashionable野，又講鞋又講accessary。感覺上佢就係啱咀型。

好野，連big day wedding gown 都大致settle

囍 - pre-wedding gown hunting

其實去海外影婚紗相真係好煩，特別係個攝影師仲要唔包衫。要我自己去搵衫，一來要自己諗個辦法運啲衫過去，二來又要自己諗造型，三來就係要使多筆錢。


幸虧個過程都好順利，因為我遇到wendy。我影相的衫全部交俾佢。因為WENDY係可以知道你著咩好睇, 知道你想要哖同埋知道最近興咩。最緊要係佢原來係好同好多攝影師好熟, 知道佢地會點影你, 著咩款D攝影師會多D野影等等。原來佢仲係同PHOTOBYBEN好熟。

佢真係一個好細心同埋好多IDEA的人, 佢會考慮到你拎D衫拎到咁遠會好重同埋點樣可以帶最少衫但變多D款影相。佢幫我諗左一個方法而家婚紗LOOK都有4個,晚裝一個,都真係已經好夠影.

佢的婚紗整一件真係唔貴,HKD3,000左右可以做到一條,好過你出去租。

而家諗番都真係覺得搵到佢幫我真係好好彩。好彩我有一日上網見到有人介紹佢,我先揾到佢。佢話佢開始唔接單了,因為太多做唔到。而我好彩呢幾日揾到佢仲上埋去佢先肯做埋我呢個。原來8月用的衫4月底就應該要搞架喇。

好又完成一樣了。可以安心安排我地的8月行程。

Sky high experience with peninsula

蕭先生三十而立，成日上飛機都幾夢自己係機師的佢，我決定帶佢上天空。

一直都知半島有個sky high experience x china clipper。HKD1,388一位，有得坐十分鐘左右的飛機係香港的上空睇風景，仲有埋個champaign breakfast buffet。都幾抵。

以為唔會好多人參加啦點知都好full.分六rounds 先完成哂所有參加的人。一架機可以載五個人，我地好彩地係同一對情侶一齊坐。仲要係最後一round可以停機之後再慢慢影相。


個感覺真係好特別。第一次坐直昇機同埋咁樣睇我地的香。同坐飛機的感覺好嘔同。仲好記得上李果一刻直昇機翼係上面係咁fing果一刻都幾警。



其實我係china clipper度都食左好然野。兩杯果汁一杯香檳都抵番哂。

特別的慶生。^ ^

囍 - gown hunting

聽日約左去Wendy 度準備造衫八月去影相。臨去之前，決定去其他地方試下其他款先。真中一間我諗到的係cocoon 因為佢有好多人都係佢果度租衫，同埋佢出名因為潮掛。


今日就專登去佢中環wyndham street的鋪頭，感覺好乾淨好prifessional。第一次上去可以唔駛錢試兩件。佢先俾個ipad你睇相。wedding gown and evening dress 各自分3條lines，咁當然要續件upgrade。


所以最終只試左一條婚紗同埋晚裝。

婚紗我睇中左兩件，一條係mermaid款，一條係aline款。但因為我未試過美人魚款所以都係無試到條蕭先生比較鍾意的aline。

出左黎效果都幾好，佢話要有前有後的人會著得好睇d。咁即係適合我別d有肉地的著。呢對是款之後都可以考慮下。

至於晚裝，就睇中多d。有好幾條都想試，但又只可以睇一條。所以最後以純粹試下自己carry唔carry到隻顏色試左條紫色的裙。我自己都好鍾意但蕭先生話條裙太阻位置，啲人唔敢行埋黎wor.


但總括而言佢的衫真係好靚。但少少貴。租兩條都成萬蚊。真係好好賺。
但尋日我同蕭先生係上環見到一間叫veronica的小鋪頭佢廚窗有條simple but elegant的aline婚紗好靚，我決定遲啲去試埋再決定。