Roger vivier

終於明白點解咁貴的鞋都咁多人買了！因為真係好靚好靚同埋好高都好好著。

今日搵左個藉口著左上次係巴黎買的四吋黑色signature shoes，初初以為個爭係彎的就唔好著，但原來仲好著過ferra.

係香港賣5800一定唔捨得，但係果邊賣4200就對自己好一點！

最後還有平底鞋

呢兩日vip pre-sale但原來做vip今年係四萬，下年係15萬，。痴線！

囍-bethanie decoration

本想果朝搵兄弟姊妹幫手係伯大尼整decoration。但果朝已經好像打仗咁，加上去淘寶搵裝飾的野原來都唔平。所以就開始搵下vendor幫手，等兄弟姊妹果日舒服啲。

Facebook真係偉大的channel，有緣地搵到一間叫forever love decoration的，睇到佢post出黎的相都好靚。有哂theme,啲花的顏色match好哂。仲有埋所有枱面上的decoration

囍ーevening gown hunting

最近頻頻出動去搵evening gown 因為好驚果日無衫著。之前果件紫色到而家都未confirm。
不過今日行行下利時又貪得意去左果間感覺好怪異好多ruffle果間野。見有件紅色的ruffle長裙好靚。問一問價要一萬多，嚇死人。不過相信手工真係要咁貴，而且係全絲的。

但再問下有一件簡單一點，斜膊，而且條裙款係斜的。試左上身一件裸色的好靚，成件衫好修身。加上佢後面係可以索緊 corset style 。因為款式無咁複雜，叫價7,000。即刻心動。

想整件紅色的黎敬酒。但著左個裸包又覺得好靚。呢個心大心細的想法搞到遲遲都未諗好著咩好。煩。

囍 - evening gown hunting

著咩衫，對我黎講應該係我好重視的一項。但唔知點解到而家我都仲未知自己結婚果日應該著咩衫。

其實一直都有周圍睇，試衫都試左無數間。但遲遲都未confirm到究竟著咩。因為真係花多眼亂。我只知道我一定會著傳統的掛出門。但果日著幾多套婚紗幾多套晚裝我都仲未知。

因為咁心大心細又驚自己會後悔所以唔肯去面對。但其實真係要搞架啦。

最近開始搵晚裝，因為其實我都訂左一件mermaid款的婚紗，總算有一件婚紗著。

但而家仲struggle緊著咩色，買定係租。因為其實有時係連卡佛特價買都可能買到有牌子的仲可以將來著，但可遇不可求。定係去利時造一件好多ruffle果款的衫呢？但又驚個感覺會好詭異唔襯結婚。

所以最後都應該會租，但要搵一間好款靚的好難。

最近試左一件都幾好的晚裝係i.s.bridal。尋日去左試都幾好睇但又只係睇中左一件咁多。租一件2800，落唔落訂先好呢？

入伙啦

由第一日我地有共識要為將來打算要買樓，睇樓，為兩萬為啖氣而錯失良機，唔開心左一排，放棄買樓，再決定買番樓，浪澄灣突然話賣，搶買，簽約，收樓，裝修，到今日足足有兩年。

今日百感交雜。蕭先生好俾心機整的設計漸漸成形，好鍾意。而家成間屋都好像動物園咁，好多野我地都係參照歐洲式的設計。我地之前去旅行買落左啲家品，呢幾日續漸拆出黎用，感覺到原來家係一步一經營的？

今日媽媽過黎幫我拜神入伙，一把風扇一盤水，希望風山水起。有包米喻意有財有米。今日因為係好日所以我地決定要係度瞓一晚先，遲啲送哂啲野黎之後先正式入去住。

送媽媽走的時候都有點唔捨得。同屋企人住左咁多年而家搬左出黎，屋企會少左個人。難免會有點傷感。

囍 ﹣ live band music picked

太好了，最後選好了我地的live jazz music band - LONGMAN
 佢地就係成日係ifc度為繁忙的人帶黎輕鬆的音樂的叔叔
雖然佢地係老左少少
但係我look for的都係old jazz music, e.g. vincent, you're so beautiful tonight, remember, etc.
因為我成日係餐廳聽到呢D歌都會好有感覺
而且我媽媽都係好鐘意呢D STYLE的歌

其實之前我係諗住係johnson ho music度落訂
但突然蕭先生提起佢好鐘意ifc表現的幾位叔叔
所以決定去quote下價

同longman傾左陣電話，發覺佢地唔掠水，好老實
而且佢地係four seasons & peninsula的表演常客，咁一定有保證

咁岩剛剛的星期六係IFC番工，就諗住去商場睇下佢地表現
又剛剛撞正佢地表演完
面對面咁傾左一陣，就係咁，我地決定要佢地幫我地做music
咁我地唔駛表演唱歌喇
YEAH！

Home sweet home

新居就快可以入伙了，好快就開始二人同居的生活。其實新居的野我無點幫手。次次都係蕭先生自己一個上去搞。我只係囗up up就算。

好多野佢都親力親為，間屋的每有個角落就算係一個制佢都係千挑萬選。原來蕭先生係連噴油，整電制等等佢都識。真係可靠的男人。

佢人生中送俾我最大的禮物就係呢一個咁溫暖的家。我諗入左伙之後我會好痴呢個家的。

囍-live music

其實我一直都無諗過要安排音樂亦無諗住會係結婚當日要有咩唱歌表演。因為我覺得我唔係搞緊公司周年晚會。

但我發覺開始好多人問我會唔會有表現有無抽獎。咁當然係唔會有啦。但開始諗下果日的流程，又發覺原來真係要有啲音樂進場，間場同埋敬酒。就開始諗下可能真係要有啲音樂的安排。

於是開始上網搵，我其實真係無咩音樂上的意識。但好彩網上好多b2b都有好多好有用的資料，我主要都係係佢地推介的再睇住budget黎揀。

講開budget其實我係氹左好耐蕭先生佢先肯應承的。因為其實都真係好浪費金錢，一晚咁樣就無左一舊錢。我其實都明的，但又，覺得有音樂真係會生色不少。好多謝蕭先生approve我的任性。

我其實自己都quote左好幾間價錢，包括dum 8, Johnson ho music, unison music and ladybird.

因為我其實主要搵saxophone performer,因為我覺得只有saxophone先可以有果種好搶的感覺。而第二種我想要的樂器就係鋼琴，因為可以多變化。

所以我主要用邊間saxophone比較吹得好的為首選。但我個人覺得最好聽的係ladybird，但可惜己已經有人book左！而家先知道原來音樂都要搶，救命！

ladybird music

http://www.ladybird.com.hk/

另外一間係unison我知佢無點做宣傳，但一定係實力的保證。但我打去問價錢時，quote果個價當然係好貴要兩萬左右，但我唔喜歡的係第一佢原來果日已經會係我酒店二樓有performance，同我講電話果個in-charge講明佢會幫比最貴錢果對新人。之後仲特登鋪排引我問佢問題等佢可以講郭炳湘個媽咪都係用佢地。我知道unison一定係有質素的，但佢果種鐘意serve有錢人的感覺唔係太好。

unison production

http://www.unisonpro.com.hk/

至於johnson ho music， 我睇過佢的demo佢琴真係好好，但saxophone就ok la， 始於聽過ladybird eric的saxophone performance真係太正，但佢的價錢確實係reasonable。唉，都係再research下先喇!

johnson ho music

http://www.johnson-ho.com/

不過最驚係好快FULL因為好似好多人已經都book到下年6月了。又要搶， 真煩！