囍 ﹣ wedding banquet venue

人人都話WEDDING VENUE一擇好日就要即刻去BOOK
因為一日唔BOOK都PROCEED唔到去BOOK其他ITEMS所以我地好快就約去睇場喇


其實我地兩個都係半島的FANS咩都去果度慶祝
一早大家都認定要去果度結婚
所以我地第一時間就約左去半島睇場
點知佢個MIN CHG由我地一直聽2011的16萬去到而家係30萬

佢個場只可以最多擺16圍仲要係超迫好ODD咁有4圍係門口
咁即係要擺到一圍兩萬先MEET到

我朋友2012年底個MIN CHG都只係18萬有咩搞到要30萬呢？
個SALES話係因為佢地會有個BIG CHANGE名為PENINSULA EXPERIENCE
好多野都TAILOR MADE但係有咩食唔知
個PACKAGE包咩唔知
只知個MIN CHG！

咁好難去PROCEED架WOR佢淨係話你預一圍淨野食HK＄18，000一圍左右度喇
暈低!

事隔一年咩都唔同哂所以我地都好灰



點知蕭先生話不如試下睇FOUR SEASONS喇
我話傻架一定唔平喇
不過見而家半島又無左都見識下囉

果日即刻打去點知佢話而家跑過去趕到的話都仲可以睇！
點知一睇就好鍾意
個SALES ANNIE好SENIOR好NICE解釋得好清楚
個感覺比半島好好多！

問下個MIN CHG係HK＄36萬加一
比半島多左HK＄6萬但就可以擺多6圍
所以其實同我地的BUDGET唔係多好多
加上個PACKAGE送既野吸引好多
所以即刻MARK左6月1日好彩未有人爭

今日去埋比35﹪DEPOSIT了!
好NEXT STEP！

囍 ﹣ MUA

我好天真咁以為我只要訂好日子選好場地
其它野就好可以慢慢選擇
點知原來係唔得的

我家姐提我開始要搵化妝同埋WEDDING DAY PHOTOGRAPHER
好喇我開始搵喇點知原來D人已經BOOK到2013年12月
痴線架！！！！

好喇咁我都要做野喇
而家心儀的MUA有

sandy wong （已FULL好恐佈因為我見到有人BOOK佢BOOK到2013的12月）

http://www.fotop.net/merrymarry

joe yuen @ hoolala （有期，約左試妝）

http://www.hoolala.com.hk/en/scripts/main/catitem.php?mcatid=styling

set頭好出名有變化

fiona fi （有期， 考慮中）

http://hk.myblog.yahoo.com/fimakeup

成日睇MAGAZINE都有佢廣告

cocowong （好貴唔包SET頭，有點貴）

http://www.cocowong.hk/index.html

試妝費 $1500! 可waive!

因為化angelababy而出名既星級MUA, 好開心佢有期, 而且價錢below 一萬! 但佢個Package又唔include set 頭, 都煩煩地!!! 可能佢好忙, 都好難搵到佢!! 仲未約到試妝時間!! 所以都係試到就試, 試唔到就算啦!!

囍 – 禮金

呢一個其實係成個結婚最令我頭痛的問題

一直都想逃避

但發覺還是早一點知道母親的心意比較好

因為佢要求的可能好影響的其他野的BUDGET

所以的起心肝係簽場地CONTRACT前做好去

而家一家人聚起上黎就不斷咁講的婚禮的事好細微的都議論紛紛鬼叫我MAMI家姐都係教師不斷咁指揮我

尋晚終於趁屋企只得我同埋DADDY  MAMI3個人的時候去商量 (其實說真的, 真的不能由男方去跟女方的父母傾呢件事, 因為真係會反台的) 女的為了兩方都沒有爭執, 真的要先由女的去探一探父母的口風再轉達比男方這樣做是最恰當的

但真的難為了我!!呵呵呵

好彩最後MAMI提出的跟我地一早BUDGET好的數字相若 鬆了一口氣J

如果媽媽獅子開大口咁佢個女就未必嫁得出了

但其實MAMI話收左的禮金都係全數用係我地個WEDDING上 (例如買金器, 派帖時請人食飯等等) 唉其實未又係用我地的錢去做一點排場東西 我最討厭

但算吧結婚是開心事而家解決左就可以PROCEED去訂其他野喇

囍 - 擇日

如果日未擇，場地未book, 咁所有關於wedding day的野都未開始得。
所以日一定要早擇。

其實好多屋企都唔駛擇日只要選個吉日就得，但其實好日唔係已經出現係通勝度。好像而家呢一刻先出到下年二月。加上我屋企係有擇日的要求。咩要夾我倆的八字，唔可以沖雙方父母的生肖。佢地生日果個月唔結得，新年果個月唔結得，清明鬼節唔結得。呢啲野如果俾錢可以解決就最好俾專家整。

家姐話可以搵佢地當年用的「盲公陳」，但其實佢唔係姓陳的但好像真係盲公。叫林師傅，人很好。HKD680包擇日加計吉時。

俾哂我倆的出世日子加大家的父母出世日子。人地教落如果你想要星期幾就同佢講，等佢範圍細啲。我屋企人想星期六。唉咁多要求會唔會一日都搵唔到俾我地架？仲要就佢計完之後個場地又買available。

好彩最後都有成八個星期日可選。有一，三、六、九、十一月等可能選，最後基於個人工作、時間、天氣等問題首選了2013年6月1日。

希望果日會好天啦！其實好多人同我講其實唔駛高天氣因為香港的天氣實在係太無常了！

囍 ﹣ Pre-wedding photogragher

一直都有留意PHOTOBYBEN的PAGE。。。一直關注佢UPLOAD上FB的相
覺得好震撼，睇WEDDING／PRE﹣WEDDING PHOTOS真係好開心的事，邐下自已將來會影成點，參考下人地的POSE， 特別係睇OVERSEA影的就當係睇埋新假期一樣，好似去左旅行咁

由我兩年前留意佢幫人影OVERSEA PRE﹣WEDDING只係3萬多， 到而家要成7萬5。。一直都心知不妙，因為咁貴蕭先生一定唔會肯。所以我就以洗腦方式不斷叫埋蕭先生睇佢FB，成日係佢面前讚佢D相。結果我成功了!

其實當我提出用PHOTOBYBEN的時候， 我冇諗過蕭先生會二話不說的應承了! 我其實冇去比較過其它的攝影師，只知道我係鍾意BEN的STYLE， 所以就去馬。佢肯應承果一刻我真係開心到死! 蕭先生自己都好期待。不斷諗著咩衫／鞋，影得自己型D！

暫定了八月頭係VENICE﹣ITALY影。VENICE係我係大學畢業旅行時去到，講過話要帶男朋友到多一次呢個地方分享浪漫。而家就真係成真了。

其實個PACKAGE真係好費， 因為HKD75，000係唔包衫，機票， 住同埋食。即係除左相之外就咩都唔包!不過我有同事話其實佢地係香港影都影左HKD30，000！仲要唔係有哂所有相! 而且我地年年都會去一個長的旅行，就當呢次係去埋旅行喇!

為左減低其他的成本， 機票只好用ASIA MILES換同埋去淘寶搵D平衫去影喇 （因為冇理由著D貴的／租的上天下海驚整烏糟， 加上加埋燈都唔會影得出D衫的質素）！而家先要做的是減肥!

淘寶好發現

心血來潮想買定條裙諗住有機會去飲著
於是上左淘寶睇下有冇好野
繼上次影PRE﹣WEDDING時買的經驗有點怕怕

但竟然比我撞手神搵左間正野
質素用料好，同圖一樣，媲美幾千元的外國名牌貨， 很合身
尋晚訂今日就已經收到!
一定要推介一下。有機會真人穿上再影相分享

Relaxing and forgetting everything - Bali Uluwatu

本來想番到香港先寫呢個旅行遊記，但而家人在峇里，heaing 可以做任何自己喜歡的事，包括寫blog!

呢個trip雖然未完但一切都實在太正了，這是唯一一個旅行我係無任何planning and booking 的。買了個psckage之後就咩都無計劃過，少有。但蕭先生說這才是真正的放假。package 包括了CX機票，3晚入住alila villas Uluwatu， spa 90 mins and a complimentary 3-courses meal.

因職員問是否honeymoon 無蝕底緊係話係啦，結果好多野都真係好honeymoon feel 房的setting 食飯desk decoration spa arrangement etc. 無所謂啦就當是pre honey moon 吧。

呢邊天氣很好，無下雨，但又不是太熱。之前check 過天氣預告話會係有雷雨但點知一點雨水都無。thanks god


之前係華欣都住過alila group 的resort好滿意而且一切都以人同大自然為中心。之後今次亦選擇了alila group 的villa. 選擇呢間除了因為有情意結亦因為被佢房間的相吸引。結果真係一模一樣！間房好impressive 有自己的private pool 面向住成個印度洋， 有好大的washroom 好細心的洗手間用品。沖涼的地方亦好正有一個室內的又有一個是室外對著大自然環境沖涼的。

成間酒店都係eco style 到處都可以見到好多花花草草，昆蟲等等，真係真正的與大自然為伍。

第一天晚上享用了complimentary dinner at CiER 安排坐在一個private area 有燭光的5- course dinner. Complimentary 的但質素很高。

酒店內有一個叫infinite pool 個名同實際是一致的，真的是無邊界的,望向印度洋，游出去的感覺就好像係海中央。

看過sony 相機「天作之合」廣告後，我諗過其實我地都可以自己影番一輯pre wedding photos 呀！只要帶齊相機，腳架，係淘寶買啲衫就可以影啦！（相片同淘寶經驗遲些分享）

蕭先生幫我影相同埋set 腳架都付出了無比的耐性，雖然眼見佢著住套西裝出哂汗真係好好笑。

當日亦好好天氣，主要係房內同埋酒店內搵d 場景影，睇番啲相其實質素都唔錯。正。

因無安排任何行程，第三天就參加了酒店set 好的programme. Hkd 1,200 per person 的half day trip 一早起身有車送你去local market and fish market 同行的有酒店餐廳的大廚，一路講解當地人行市的食物，捕魚的過程，一齊買魚，之後仲安排我去去佢推介的private beach - balangang beach 佢稱呢度為峇里最後的人間天堂。

不多人知的地方不多人但不Commercial, 有palmtree 有水清沙幼的仙境。下次黎要帶埋bikini同埋surfing board先得。之後仲有酒店人員幫你set table 係崖邊野餐。全程都好周到有車，有cool towel 有drinks安排好哂自己唔駛煩。

戲玉其實係cooking class 一點都不hea原來要學煮四道菜。先學整地道的spice paste 原來都好煩用好多香料，之後就開始整沙律兩個main dishes 同坤dessert.

整完之後就可以享受番我地整的成果了。原來個chef會同埋你一齊食。一路傾一路食。整的過程同埋食都有專人幫你，咩都唔駛做：）玩左成日

Check out 時仲送上了一套sourvenur比我地，裡面係印有我地成個過程的相仲有一隻CD rom有齊我地的相真係好細心：）

下畫去左做spa，今次呢個同上次的alila比真係正好多。手勢好好。但果一個鐘實在係太快過啦！而家仲好掛住果杯ginger lemongrass tea.

夜晚出左去Nusa dua行下街買手信。但成個區都係為遊客而設。我本人一向都好鍾意買手信但啲野真係貴到買唔落！唔好同泰國比，同香港比都貴好多！所有野都係呃遊客。都係酒店內的野貨真價實。

總括而言呢個trip真係好正，間酒店真係100分，又一次証明alila group 出品必屬佳品。我同蕭先生講不如我地試下住哂alila所有世界各地的酒店，點知原來印度係有幾間，可惜我無諗過會去wor! 打消左。除左酒店外,其實我覺得其他野麻麻地。所以一定要選好的酒店才去峇里。

囍 ﹣ WEDDING SHOES

我呢個鞋痴，一知道要結婚， 第一樣想起的就是BIG DAY當日的高跟鞋!
即係又有多一個機會買鞋了。


一直都尋找緊最適合的婚鞋，看過JIMMY CHOO， 看過ROGER VIVIER同堆CHRISTINA LOUBUTIN...最後還是選了後後者。因為論鞋款，鞋型都係CL最靚。
原來蕭先生一直係度幫我秘密咁搵緊呢對鞋， 好多地方都冇哂貨，冇我SIZE。SALES仲話唔會再番貨。點個最後係IFC的連卡佛見到有碼， 即刻買左。原來每間鋪頭只會每個碼番兩對， 我呢D36號腳真係多的是， 所以有見趁手買。

這就是我229的生日禮物。


其實我同蕭先生係好多野方面都不謀而合咁好快有唒同識。我地兩個都有要求， 但我兩一直都知道自己要D乜， 所以好多野都冇點選擇過就會扑鎚。只知一個道理，LUXURY GOOD只會有加無減，今年唔買下年買留番就一定會加左價。所以好多野我地明知點都要買的就買左先。

鞋都一樣， 今次CL賣哂呢款， 佢都會出新款但就一定唔會係而家呢個價錢。

只希望過左BIG DAY之後仲會有機會著番就抵番喇。

囍 - engagement ring

上年的六月歐洲之旅，我們於留在英國的第三天到了倫敦的old bond street行街，心血來潮的走進了Cartier 。

蕭先生話不如買埋隻介子囉, 機緣巧合下有我地睇中的款同埋鑽石的大細, COLOUR, CUTTING, 手指SIZE又剛剛好有現貨係鋪頭, 仲要係FIT我地的BUDGET。好多野都好似整定咁, 因為我地係最後一日留係LONDON, 如果冇現貨我地唔會買, 仲要如果果日唔買, 過幾CARTIER日就GLOBAL加價。最LUCKY係佢個PRICA TAG係同電腦個價錢唔同, 即係平左。

隻介子編號又剛剛是蕭先生手提頭4個字好好記。
CARTIER的SALES同我地講原來呢間SHOP係全世界第二間CARTIER SHOP, 歷史過百年, 一直都保持住佢店鋪的裝修, 古色古香。
佢仲幫我地安排埋即場做埋退稅同埋送埋番香港, 等我地唔駛拎住佢去法國咁危險。

就係咁我地就為我地的MARRIAGE踏出了第一步。當日佢地仲提供埋香檳比我地慶祝。

其實係買之前我都STRUGGLE左好耐。就係應唔應該買呢?因為買左就代表要一齊, 但係我諗都唔一定呀, 仲有時間諗, 因為其實佢仲有機會攞番比第二個女仔。只不過係我自己選擇左喜歡的款, 就當係幫其他女人選擇囉。:)

可能有人會覺得兩個人一齊去買介子好奇怪, 但其實一樣咁貴重的野如果男生買左一款你唔喜歡的, 你會唔戴。但如果係自己選擇的, 就一定會鍾意的, 可以日日帶。

可能又會問都係介子JEH, 未又係一個環同埋一粒石。但係其實款唔係最重要, 而係係有張BUDGET下有好多野都取捨, 有人話我浄係要好大, 唔理COLOUR, 唔理CUTTING! 但又有人話太大未必係好, 一定要粒可夠白同埋閃。

有人話要6爪(TIFFANY款), 有人話要4爪 (CARTIER款)。又有人話我唔要牌子, 因為咁樣就可以將牌子MARK UP左的錢去換更大更閃的。

蕭先生其實好堅決要牌子, 因為佢話一生人一隻的就要是好質量的。其實呢個問題都STRUGGLE左好耐。其實係去完CARTIER之後, 我地都去埋TIFFANY, DE BEERS等地方去問價, 發覺同一樣錢買到番黎的野好唔同。

TIFFANY可以買大粒D但係個COLOUR就低D, 相反CARTIER可以係高COLOR D但係就細粒D。我好記得果日係倫敦街頭上掙扎左好耐, 由於好多鋪頭都係5:00收, 所以可以考慮的時間好少。最後都係比番個選擇權蕭先生, 因為始終呢隻介子都係由佢送出的。

鍾情CARTIER的佢最後都係選擇了呢間百年老鋪, 但願我地的婚姻都係一樣。

YES!

我決定結婚了！

同蕭先生識左11年，拍拖5．5年， 我地決定要以另一種方式繼續生活。
原來答應結婚唔係最有壓力，係FB轉STATUS果一刻＝比大家知道果一刻原來先係最有壓力。
因為當大家都知道的時候你不能再反悔。

係轉STATUS果一刻我再一次問蕭先生，
黎架囉!
係

手震咁按了ENGAGED TO TERRY SIU
MRS．SIU﹣TO﹣BE


好多謝大家的祝福， 我地會好好經營呢段感情。

仲會好好ENJOY我地的婚禮籌備工作

二二九

就這樣我的二二九過了。
四年後再見。

收到了很多blessing messages fb被happy bday 等字眼洗版了。發覺有了fb and what's app 之後個個都會用message 同你講生日快樂，但甚少打電話，偶然收到電話的祝福特別開心。

還有一堆的生日飯，真的肥了。但真的很感謝同我慶祝的朋友。原來有生日係好開心的。特別是四年一次特權比較多。

踏進29號的一秒開心到睡不著覺，覺得瞓左就浪費左每一分每一秒咁。同事又不斷同我倒數住，做左野一晝就過左一半個229了。

這個229有很多人開始關注,仲SEND左好多229的冷知識比我。

通常年份可以被4整除的是閏年，但實際天體運行，並不能夠精確以4年一閏解決。故又定義年份為100的倍數的，必須被400整除才為閏年

香港：

「	(1)一個人在他的某個歲數生日開始之時即年滿該歲數。(2)一個人如在閏年二月二十九日出生，則在閏年以外的其他年份，須 以三月一日作為他的生日。 (3)本條只適用於在本條例生效日期之後的生日。

(1)一個人在他的某個歲數生日開始之時即年滿該歲數。
(2)一個人如在閏年二月二十九日出生，則在閏年以外的其他年份，須 以三月一日作為他的生日。
(3)本條只適用於在本條例生效日期之後的生日。

229被定為婦女求愛日及世界罕見病關注日。



228的午餐時間,同事同我慶生,未去之前佢地話同我食JEAN PAUL HEVIN, 我諗雖然我鍾意食朱古力,但係冇理由成班同事陪我食成餐甜野. 點知原來佢係有SET的, 仲有熱食. 我地去左擺花街果間, 樓下其實同佢其他係商場的分店一樣,但原來有樓上一層的.

位並不多,只有20個左右,可能因為新同埋冇咩人知道佢的存在,所以我地最後都係包左場.

SET LUNCH價錢合理,百多元有湯/沙律, MAIN DISH選擇亦多,仲有野飲(最緊要係+HKD20可以點佢地的熱/凍的朱古力).

湯同MAIN DISH都好好味(同事話RISOTTO比PASTA好味), 重頭戲係朱古力PRODUCT! 大家都好踴躍咁諗飲咩好呢?因為淨係朱古力都有好多選擇, 可以有CREAM, 濃D, 加有GINGER, 加FRUIT FLAVOUR等等。好味道。
最後仲試埋成日係鋪頭見到的CAKE, 真係好好味, 特別係HAZELNUT味,不過HKD58一件都係貴左D。一定要再黎食過。

Jean-Paul Hévin Boutique et Bar à Chocolat

Address: 中環擺花街13號













很多同事問我為什麼229不請假,而我覺得公司又有同事為自己慶祝生日, 點解要請假呢?
同蕭先生慶祝,頂多都是吃吃晚飯,要佢諗其他活動反而仲考起佢, 所以都係番工好.

而229當天的LUNCH是同最熟的一班同事過的.近近地係IFC裡面食仲好, 太凍了根本不想行太遠, 而已可以多一點時間傾偈仲好。

SIMPLYLIFE最好食的就是BURGER SET, 份量夠多, 薯條亦好好食。
不過由於之前食完MCDONALD'S的隊長軍艦, 知道原來有成千卡路里, 就已經有陰影了, 所以最後都係冇叫到BURGER SET, 原來RISOTTO都不錯。

Simplylife Bread & Wine
Address: 中環港景街1號國際金融中心商場二期1樓1081號舖


















而家同事生日都例必有切旦糕的儀式, 同哂D同事講哂話想要芭芘旦糕, 點知大家話太貴唔肯買.有創意的同事唯有冒住可能比人發現的風險下彩PRINT了一張芭芘相當係芭芘旦糕喇。旦糕是LGB的, 其實我都係覺得LGB的旦糕一點也不差, HKD220一磅但就已經好好食, 賣相仲要係好靚的。幸好IFC裡面就已經係LGB勁方便。:)

Le Gouter Bernardaud
Address: 中環港景街1號國際金融中心商場2028-2029號







真係多謝一班同我慶祝的同事。張芭芘紗龍我會貼係位。

係公司收到了神秘人送上了30個JEAN PAUL HEVIN的MACAROONS ：）太感動， 但你是誰？





放左工後就得番5個鐘
最重要的人終於都出現喇, 我地選擇左我最愛的GADDI'S慶祝
因為我地其實次次去都係食LUNCH未試過食DINNER, 所以今次都係第一次

氣氛上當然係浪漫好多, 有現場LIVE BAND, 唔太嘈, 而唱的歌亦是我喜歡的英文歌
有燭光陪伴晚餐

價錢相對就一定係LUNCH抵食好多平時HKD500一個人都得晚餐就一定要過千
但係質量我覺得LUNCH已經好夠我食

蕭先生點了TASTING MENU (5 COURSES) 而我已經食左好多野喇仲要留肚所以只點了MENU上的散點

我點的洋蔥湯感覺好像上年同蕭先生係法國餐廳SERVING一樣, 都係先上湯的材料先係你面前淋上湯的。而我亦點了BOSTON LOBSTER, 同COVA果個真係好唔同, 而且龍蝦肉真係好好食。

而蕭先生的TASTING MENU佢話好正, 樣樣都好好食, 而我偷吃了蕭先生的一口炸蠔真係好吃到不得了。而半島信用卡優惠仲有香檳同埋旦糕慶生。蕭先生就自己一個飲哂枝香檳, 但個旦糕就飽到食唔落LU, 最後都係帶走, 而家都仲係個雪櫃度。

吉地士 Gaddi's
Address: 尖沙咀彌敦道19-21號半島酒店1樓



























為左全程可以享受229的快樂, 最後果兩小時都唔好蝕。所以我希望食完飯後可以有個小型的GATHERING, 飲下野。其實叫人家10點咁夜出黎, 明明已經番左屋企, 又或者可能有啲朋友基本上都未走得既, 竟然都肯到, 真係比面喇:) (好彩我的INVITATION CARD夠誠意, 張張都係人牛整的, 之前係街邊見到啲可以印花邊的壓花機, 買左幾個玩下, 加上去左PRINTS特登買幾張鮮色的紙, 自己都覺得幾靚:))

原本打算去SALON DE NING包間房的, 因為之前去過都好特別, 同埋D SNACK好好食， 但當晚由於有SINGING CONTEST所以唯有選擇28／F的FELIX。其實FELIX都好0岩一班人去飲野， 裝修MODERN，有夜景‧

我地10點上到去，都坐滿了1／3人。長台位置冇人， 可以包左張長台。IPAD MENU係型格， 但都係人手落單。HKD168有酒＋TAPAS。我的STRAWBERRY CAPUCHINNO好好味。


一班人傾下偈， 時間好快過。但由於大家第二日都要番工， 所以12點都要散了。真感激大家都犧牲自已休息／番工的時間出席。這可能只此這4年一度的特權。

FELIX的洗手間出名一定要去，向全香港夜景痾豬豬係型， 但不及那很難分辨男女廁的門牌及那隱藏的廁格而令人回心微笑：）

Felix
Address: 尖沙咀彌敦道19-21半島酒店28樓


229過後確係失落，又要等多4年。雖然係咁， 但4年才一度的PRIVILEDGE令你可以大哂一日都不錯哦。