我地係威尼斯先搭water bus 再轉vueling的飛機，到達巴賽。其實只需要搭1:40的飛機，但由威尼斯到巴賽都搞左成6-7個鍾。其實我地初初首選係搭overnight train點知full Jor.
去到巴賽都成9點了。但又唔覺得好夜好恐怖。我地坐左aerobus由機場去到catalunya市中心，之後轉metro去glories station。而我地的酒店就係正個站附近，好方便。
10點左右問酒店附近有咩食,佢應該收左佣不斷推薦我地食一間餐廳佢話好好食同埋唔遠。仲幫我地book埋位。
我地按照住佢地圖搵，行左老遠都搵唔到。好夜，我真係無諗過我會10點幾仲係barcelona度夜遊，應該會好危險架嗎，但點知又感覺好安全。好像係九龍塘咁。我諗呢度應該係豪宅區。我地周圍問人，終於都搵到啦。嘩，成10點幾都仲有好多人食，果然好出名。我地叫左個龍蝦飯，我好鍾意食丫，好像龍蝦湯加左risotto咁。仲有隻好多肉的龍蝦，正。但另一個沙律就麻麻啦。埋單價錢都合理。
但唔知係咪今日travel得好厲害，所以成個人都好攰。一路食飯都差唔多瞓得著，番到酒店都即刻暈左啦。
第二朝起身，今日就可以full day 行逛barcelona啦！第一站是蕭先生最想行的嘉樂福。係超市見到勁多成隻脾的ham，佢勁想成隻咁買番香港，但好彩佢都知拎唔到。反而我就買左超多香港已經無得賣的milka朱古力。
我去之後就去行st Joseph market，果度出名有勁多ham, fruit and seafood賣。我地試左唔同的豬，但其實都唔識分。但好記得有人俾左一塊60個月的我試，真係好好食，搞到我都買左一pack俾屋企人試。我諗我地買ham都買左8包有多，誇張！
之後就沿路行去catalunya plaza直出pessage de gracier。成條路就好像尖沙咀海防道一樣，好多名店，包括佢本地出品的Zara, dutti等等。真係好唔明點解香港仲未有Zara home，佢啲家品好靚，不過可惜太重拎唔到。
發覺原來呢度的zara係香港的3分一價錢，同埋mango的衫都好得。
但呢度行街無意大利咁好。啲貨無咁齊，稅無退得咁多。所以並無買左好多野。但發覺西斑牙的design sense好重，有好幾家好有型的家品店。蕭先生最愛行。
沿路會經過巴特由之家同埋米拉之家，我地選擇左去米拉之家，因為大啲出名啲。不得不向高德致敬，佢諗野好特別創意十足，設計風格真係好獨特。咁多年美已經有咁的想法真係好驚訝，我諗讀建築的朋友一定會好鍾意呢度。
夜晚我地試左老字號的餐廳4gats。聽說當年畢家索好鍾意黎呢度坐諗靈感。同埋佢的ham係好好食的。我地點左ham同埋一份魚。個ham真係好好食！而個魚的整法我係第一次食的，但真係好好食，我諗應該係本地西斑牙式的煮法。
最後一日係巴塞了。今日要去追尋埋高德的另外兩個作品，一個係奎爾公園同埋聖家大教堂。
先去左奎爾公園，唔駛入場費的。成個公園都係以動物，碎石，彎彎曲曲的流線型設計，同尋日的米拉之家感覺類同。又一驚訝之作。
成個教堂感覺好新潮，係高德的遺作，因為佢未起完就死左，大約要2020年先起完。真誇張。但高德這個人真係為巴塞貢獻了很多。
要離開了。酒店人員教我地坐tram去火車站，都好唔駛搬來搬去啲行李。果然好快就去到火車站。個火車站一啲都唔雜，好大整齊同埋企理。
我地今晚要坐overnight train去Paris .我地book左transhotel的二人房。雖然細細間，但所有野都好齊備，有洗手盤，有兩張床，可以叉電仲可以出餐廳食早餐。8年前的歐洲之行感覺番哂黎！
要離開啦，巴塞俾我的感覺都幾好，做呢度的人都幾好，路好闊好乾淨。好多地方俾人踩單車，跑步，踩roller。生活可以好健康。
好啦12個鐘後到達Paris, here I come!!
沒有留言:
張貼留言