囍 - SENS STUDIO

上年用過公司優惠同班朋友去過SENS度影相，效果好好，大家都影得好開心。
今年公司又有搞都係$380包影同埋有20張soft copies。

上個月同蕭先生影左相，好快就有人叫我地去睇相喇。同上次一樣佢都係用個slideshow比你preview下你的相。個slideshow可以買，但我當然無買喇，因為我自己都可以用mac機整。

一睇個preview我就覺得影得好靚。之後個sales同我地講話我地有2xx張相可以選擇，係佢地影咁多對情侶當中影得最多相的。

哈哈，我地果日影左一攝casual wear之後又影左一個fine dining look的style. 最後我覺得我地影casual wear果攝開心D，所以最後都選左好多張。

其實真係影得我地好開心，影左好多角度，變左D相特別D。同我地photobyben影的感覺好唔同，一個係moody D， 今次就開心D.

我諗住呢D相都可以用係結婚果度, 而且我諗住曬出黎，買番D特別的相架放佢地係新居。

放住一兩張出黎先。

攰

最近公司好忙，個人做到好無精神。有一種無心無力去做好一件事咁。

我想講，我真係好討厭同好蠢好懶的人做野，因為你的蠢我要做埋你果份，因為你的懶我又要做多一份。真係十隻手都做唔哂。

好激氣。

不過好彩尋日都可以放到工去迪士尼黑色世界，玩左一晚大癲大吠，唔理咩都嗌不份，咩壓力都放哂出黎。

最緊要係嘔駛錢，多謝達達

囍- pre-wedding photo preview

真係好快手，photobyben assistant Tamara 星期一已經同我地講我地影的相已經整理好哂，佢會post cd俾我地。但呢排咁啱我地都想送盒月餅俾佢地，所以星期二於左工就人肉速遞左盒月餅上去，兼攞埋集cd走。

隻碟好精美^ ^我地攞完急不給待係餐廳即刻攞左出黎睇。哈哈，靚得真係好靚同埋stylish。其實所有相都只有basic retouch 即係咩都未執，有好多都已經唔駛執都好靚。

我地有哂所有相，原來有成千張。真係睇都睇唔哂。不過唔駛係studio揀好好多。我地可以慢慢揀，而且又無人會saie你，有哂所以相我地又可以自己執。而家我地要做的就係揀60張俾佢大執，執出黎就會好像佢facebook出黎咁靚。真係期待。

但我發覺要揀相合照大家都影得好係好難的。有時我影得好，蕭先生就好像未瞓醒咁。蕭先生好時我就好像發緊呆咁。唉！

不要我而家揀揀下都有成100張有多自己好鍾意。都唔知揀邊張做油畫好呢。我已經係新居搵好左個位放我地張油畫了。嘻嘻。

老爺生日飯

蕭先生話老爺就黎生日，佢差唔多係呢幾日生日架喇， 再BOOK位食飯。

咁於是就試下好多人都話好食的天外天。

對上一次我地去HOTEL ICON食佢the market ge buffet已經係上年的12月了，質素不錯，對佢的餐廳都好有信心。

今次就試下28／F的中菜天外天 above and beyond，一上到去發覺個夜景真係好正，我地被安排係窗邊的一張台，可以對住個夜景食。一坐低，我祝佢爸爸生日快樂，點知佢話中秋過後先係。蕭先生，你點做人個仔架？？？

我地點左佢幾個出名的餸，包括烏龍茶燻鴿，螺頭湯，櫻花蝦蟹肉炒飯，琶琶豆腐，蝦仁帶子西蘭花同埋子薑排骨，仲叫埋甜品。好飽的一餐，野真係好好食，不過就有點貴。

同埋呢度震著smart casual，哈哈唔記得佢係酒店TIM

天外天 Above & Beyond

地址 :

尖沙咀科學館道17號唯港薈28樓

Our six year anniversary

6年了，但我地仲可以保持到每個月的3號搵間好的餐廳，慶祝一番。可以堅持到，可能係因為我兩都係好鍾意食野。

今次係第一次由蕭先生自己揀好餐廳，訂埋位，仲好神秘咁唔講我知去邊度食。其實咁樣都幾好玩，  因為我會成日估下究竟佢會帶我去邊度食呢？食西式定日式呢？

直到放左工， 蕭先生帶我由灣仔再行到金鐘的星街，一路行，左邊？右邊？最後去到星域軒樓下一間餐廳，門口有個黑人向我地閃燈，感覺就好似去左美國食飯一樣。（唔知點解）原來我地係食一間叫prinipal的餐廳，興奮係因為可以試下新野。

入到去感覺很好， 因為每張台都好疏。成間餐廳好多唔同國籍的人係度，一點都唔commercial，全部都係朋友gathering同情侶。

我地點了他的八道菜signature dishes 咁就可以咩都試下。佢個welcome dish 竟然有pop con我覺得好得意。之後就碟碟都有驚喜。食落先知原來佢都係份子料理，好多望落去似果樣但就食落去唔似。其中我最鍾意的就係佢最後果個甜品，好有誠意。

佢係有4樣野組成，有白朱古力的mousses, milk chocolate 似石頭的東東，dark choco的brownie 同埋coffee cake下面的泥土係餅碎，而樹枝就係白朱古力黏上綠茶粉。

好有創意仲好好食。^o^

最好彩係佢個酒櫃壞左，自己帶酒唔駛收開瓶費。蕭先生話今日好高興，所以要開枝Krug 香檳黎慶祝。我覺得某人真係飲得太多，醉左，哈哈，佢醉左講啲野好搞笑。

開心的離週年飯^ - ^

The Principal
灣仔星街9號地下
http://www.openrice.com/restaurant/sr1.htm?s=1&district_id=&inputcategory=cname&inputstrrest=principal

朋友

朋友一詞可以比戀愛還要深奧。昨天我一天見識到甚麼是朋友的昇華，亦知道甚麼是朋友間的冷淡。

尋日去左大埔踩單車，真係好耐無踩單車，但幸好還能handle.路線不長不難踩，雖然途中有一場大雨，但成個天氣都係舒服的。感覺好正。

朋友間，大家會互相照顧，會大家提醒大家咩位要小心，擰轉頭睇下大家有無問題。燒野食時大家會燒埋俾大家，你笑下我，我笑下你，無避而不談。

大家還會興致勃勃的影相，係地鐵高談闊論的說當年。有些事笑了十次還是那麼的搞笑。

但同一天我感受到朋友的脆弱，我從來沒有生氣的朋友。但有一些說話是很un耳的。難聽到係你瞓醒果一刻都會即記起，而且會有幻得幻失的感覺。點解？