今年見上次都無同蕭先生影過，所以就決定今次同佢影番輯，順便當埋結婚用都好。
原本諗住帶上次影pre wedding 果套婚紗去影，但問過佢話公司規矩唔得，原來因為佢地有自己影wedding果條line. 明白的，幾百蚊又點會可以俾你當影婚紗相咁呢。
因為上次影photobyben都係走型格路線，所以今次係想影番輯開心啲的。我地揀左套真係好casual ge casual wear。同埋一套fine dining look襯番蕭先生套suit.
今次試下佢太古城間分店。上到上感覺好像比觀塘果間細。今次幫我地影的係一個女攝影師。佢就比較細心，但上次果個就energetic啲。我地先影白底的casual wear，動作多啲，同上次不校都係capture你的movement. 不斷笑，好記得佢叫我整個心係蕭先生個肚度，哈哈，之前我成日咁整係蕭先生度，笑佢有左bb因為啲大肚相係咁影的。但太搞笑啦，所以我地拒絕左呢個動作。
影左一個鍾左右，我地換左件晚裝，用左黑底色紙去影，亦加上道具LOVE大字母去影。其間我見到蕭先打坎坷，其實我知道蕭先對影相興趣不大，又要帶衫，燙衫，擺表現，我又要佢剪頭髮，修眉。真係好慘，但我知道佢知我鐘意都無say no仲擺出啲鬼馬表情。
蕭先生，辛苦哂！
沒有留言:
張貼留言