Serious holiday mood

真係未出發先興奮。

今次去旅行好像搬家咁，咩都帶哂去。個gip 就黎爆了。

今日先發覺原來蕭先生都好貪靚，今日最後衝刺去買佢pre-wedding影相的衫。佢最後買下買下買左好多野，啲造型仲多過我。點搞？！

佢仲為左呢個旅行的安全買左一系列的防禦裝備！包括一個界唔爛的袋，幾把鎖，一條載到錢的皮帶同埋鎖鏈等等！但求今次個旅程要安全！

今次影相會減少因為有兩日人地幫你都影到夠。要享受多點個旅程！

呢兩日番工都已經勁holiday 做唔到野啦！今晚就出發，好多同事都走黎祝福我同埋叫我玩得開心啲，一定會！

囍 - 羅馬嫁期

我的羅馬嫁期開始倒數啦！

實在係好興奮，終於可以放假同埋去影相啦。

所有衫上的安排大致上完全，路線都計劃好。而家最緊要係修身同埋晚晚護膚。但其實相係會執的，而且wendy教左我個快速修腰辦法，我都開始放肆啦。

今次旅行會好趕，12日去3個國家。先去意大利，影埋相之後就可以放肆咁食野去西班牙的巴塞隆拿再去巴黎。

加上好多人都話而家意大利同埋西班牙治安好唔好，所以所以野都要好小心同埋提高警覺。

只希望好天同埋無俾人搶野就已經好好了。

本人已進入holiday mood狀態，不能工作了！

Home sweet home - 收樓

爭議左好一兩年，樓還是買了。尋日亦收了樓。入門口的一刻真係十萬感觸因為彷如人生的另一頁快要進入了。而且彷如我倆的心頭大石可以放低啦。

買定唔買，買唔買到等等的問題擾釀了很久，亦因為呢個問題唔開心了好幾次。今天終於願望成真。縱使而家就開始了供樓的階段了，番工就會係為左還錢，感覺很不爽。

但我覺得身在香港要有個瓦遮頭無論你租定買都要付出好多，都要番工為左住，除非繼續同屋企人住。但結婚確實要置一個家。

尋晚攞左鎖匙之後打開門的刻，我真係講左**我番黎啦！**一句令自己好想快點放工回家講的一句說話。

而且原來呢一樣係令到好多人興奮的事，尋晚我地兩家人上哂去，大家好像會住係度咁，諗哂點擺啲傢俬。

我第一次帶爸爸去睇我的屋苑，帶佢去到個望海的燒烤場，佢係果度同我講佢都好開心好安慰。我真的開始擔心父母會有一天會突然離開我地所以我真係好想俾佢地睇要我人生的每一頁。

尋晚我終於明白點解結婚係兩個家庭的事。

囍 - my grace Kelly babie

之前說好鍾意的grace Kelly babie doll 尋日收到了！真係好開心，開心不只是擁有，而是這並不是我嚷著要而是蕭先生主動係美國訂俾我那種浪漫。

有想過把她用作結婚的車頭公仔但又怕好像好恐怖，所以決定去替她找回一個阿ken放係結婚當日的reception desk.

佢真係好靚，好有氣質。

囍 - pre wedding photoshooting gown

距離去意大利的日子只有半個月，開始緊張了。但為去咁遠影相其實真係好煩有好多野要帶。


剛剛去左wendy 度做了final fitting ，之前去左佢度後再去左幾個地方搵big day果日的wedding gown咁價錢當然會貴啲啦，於是佢的衫就即刻比下去，仲擔心質素會唔好。但無辦法了，人地收你9千幾有成四款衫。仲要係拎得走自己的，其他地方收你幾千蚊都係租俾你三日。所以無得投訴。

但試完個final product之後真係好開心因為質素出奇的好。佢真係好細心同埋有心去幫你做到最好。所以佢真係推介丫！


佢幫我整左件base gown好簡單的小美人魚款，可以用黎影vintage style. 之後仲仲整左個ruffle袖俾我，我好鍾意又可以多個造型。

之後我仲叫佢整左個可以好簡單咁套上去的立體花，著左上去好像芭比娃娃旦糕咁。可以影裙擺款同埋貢多拉。

之後仲整左一個lace的紗，又係可以好方便咁套上去，增加vintage的感覺，攝影師又可以影長拖尾。簡單方便又有變化。

evening dresr我就只整左一條紅色露背長裙，這真是很性感的，因為中間是中空的，但反正都唔會有人識我，係外地可以大膽點，嘿嘿！

所有野都可以摺到好簿，可以好方面咁帶去意大利。解決到我之前的煩惱同埋又可以滿足到我要變化的性格。只有wendy做到。

不過而家另一個要煩的就係應唔應該千里迢迢咁將佢地帶番香港。係意大利度同佢地講拜拜好像好浪費，但帶佢地番香港就只會辛苦自己同埋問題係仲有無機會再著啦。

囍 – 證婚律師

呢樣應該係最後一樣要搶的野了

結婚真係好似生BB咁好多野未結都要開始搶,搶酒店擺酒,搶MUA,搶攝影師,搶教堂再之後就搶律師

我一直以為律師係唔駛搶的,因為佢地頂多留1個鐘,1日可以接好多單但點知聽聞又係耍搶,但係我要先定左我簽紙的場地先可以定到我幾點再先可以夾律師時間

我身邊的律師朋友都比左一D介紹我,但係又唔係好聽過佢地的口啤.一直又以為其實D律師都係好死版咁讀一次啲誓詞就得,其實邊個律師都無所謂.

點知又係上網做下RESEARCH先知道原來又係好緊要,因為呢個時刻係好緊要,係真係見証住你地兩個人正式成為夫婦的一刻,又真係好似比婚宴的任何一個MOMENT緊要WOR.

D人又話好多會讀錯名,遲到,趕住走,又或者好OVER講好多癈話等等.於是就開始要認真揾了.

心水中有好幾個,鄭家富(爸爸話識佢,但上一次佢出席朋友婚禮時讀錯左個名), 黃國興,林志達同埋一個姓岑的律師,佢地都係咩10大排名磅之一的。

最後我就選左林志達律師喇,佢係而家咩最紅的律師,又後生,口啤好,外型聲線都好同埋係年薪過300萬的一位証婚律師!!!點解可以揾咁多,因為佢都收得幾貴.

Anthony Lam 林志達律師
公司名稱: 林文傑律師事務所
地址: 中環皇后大道中33號萬邦行5樓
電話: 25238061

原來我表哥下年結婚都係揾佢,要成本7,800+305, 當我發覺咁貴的時候真係呆左.但果時已經SEND左EMAIL問佢價喇. 其實佢幾年前都只係收2,800+305而家就加價3倍!!我知而家咩都貴左都無法,但而家比較好的律師都只係收緊5,000.

諗住揾過第二個喇,點知過左兩日打比我, 佢好自信咁介紹左自己,仲話係伯大尼係佢主場,10對有7對都係揾佢証婚的! 但佢的話係好有經驗,好多伯大尼的詳細資料都知仲比好多有用的資料我。

佢成日話揾証婚律師唔可只靠上網BOOK,一定要聽過佢把聲同埋真人。所以佢話一定會係電話同對新人溝通左先, 同埋見一次面先收錢,就係因為咁我就比佢果份自信吸引左。

咁最緊要收幾錢同埋有無期呢? 好彩佢話因為我用的攝影團隊係佢有合作的而且可能因為我個時間係早唔係夜晚,所以收我5,800+305. 價錢都還可以接受(可能係因為同我表哥比之下我覺得好抵), 其實之前蕭先生係有反對過, 因為佢覺得我地好多野都OUT左BUDGET, 初初我預律師都只係5,000但係可能因為而家只係OUT少少同埋最近蕭爸爸提點左叫佢就多D我,所以就係咁OKAY左喇,呵呵呵!

其實SO FAR都BOOK的野都差唔多喇好多都好順利,只剩低D細節野。其實SO FAR我想BOOK的都BOOK到,除左最想要的伯大尼1-3點,但係最終都叫做BOOK到喇.我諗想咩都順順利利,我覺得好多野都要快同埋0岩就去馬。我地好多野都係見到OK就無特別再去比較,加上蕭先生無咩要求,所有野都放比我去決定, 所以煩少好多野。

而家要專心搞下旅行同埋新屋的野喇!

囍 - 伯大尼試路線

由於伯大尼只安排到10的時間，所有野都要搞到好早好趕。我已經同屋企人講定哂我大概的流程，佢地係有啲意見，但都知道我好想係果度搞所以都由得我。

而蕭先生亦好支持，因為其實要用咁早的伯大尼要付出好多代價，好多野都要因為早左要加錢，個場租又貴。所以佢其實一切都係就我。

同定啲姊妹講定要好早起身但佢地都好好，話唔緊要，會配合。真係好感激。

要confirm俾錢之前先要實地考察下係唔係可行。於是搵左個星期日揸車試一次由浪澄灣去一次伯大尼要幾耐，最終發覺40分鐘一定可以，不過去到港島區時好多燈位，浪費哂啲時間。

好多謝我家姐同姐夫的幫忙，我家姐仲好爆咁扮埋係參加婚禮，衝埋入去人地教堂裡面做儀式的新人度。真係服左佢

囍 ー 進度表

因為快要confirm 伯大尼，所以促使我要認真地計劃下我當日的流程。於是上網搵左好多blog，發現好多人都會準備一個進度表。咁我都整下，睇下自己有咩係未知要整但仲未整的。

點知唔整由自可，一整先知道原來好多野都未搞，甚知一直都唔知要整。開始有點擔心。

1. 大日子日期            2013年6月1日 (星期六)
2. 婚宴場地              四季酒店 (菜單未confirm)
3. 婚宴佈置              101 Forest (only paid deposit, not yet came out with any style/   design)
4. 出門                   四季酒店 (夠方便)
5. 婚禮攝影攝錄        Alexander Hera (未傾流程)
6. 成長過程DVD        Alexander Hera 包埋 (未找相)
7. 婚紗相                  Photobyben (8月影)
8. 新娘婚紗&晚裝       Bliss (但只選了一件婚紗)
9. 褂裙                     錦發(已訂)
10.新娘鞋                  Christina Louboutin (已買)
11.掛鞋                      未買
12.新郎禮服                未買13.新郎鞋                  未買14. Mua                     Joe Yuan @Hoolala (己試妝)
15,頸飾, 頭飾            Hoolala 包埋但自己會再買一D
16.婚宴MC                搵朋友
17.進場及婚宴音樂     未有心水歌
18.花球襟花               未開始揾
19.結婚戒指               Cartier (已買)
20.囍帖                     有構思但未揾
21.邀請人名表            未開始攪
22.西式餅咭              美心(已買)
23.中式唐餅              奇華(已買)24.回禮乳豬              未諗 (原來要架?!)
25.花車                    酒店安排
26.花車公仔              應該唔會有
27.佈置花車              只會小搞
28.花仔花囡              未諗
29.媽咪衫                未搞
30.伴娘裙                  有IDEA但未搞
31.姊妹裙                  有IDEA但未搞
32.伴郎衫                  自己搞掂
33.兄弟ties               顏色要襯返姊妹
34.招待人員              到時再決定,但我阿媽一定係最佳人選
35.接新娘遊戲           未傾,但到時時間會好趕
36.回禮小禮物           酒店已有,但諗緊訂M&M朱古力
37.簽名筆                  未攪
38.出門紅遮              未買
39.紅酒                     會用酒店的
40.龍鳳被                  未買
41.過大禮事宜              已擇了日子
42.上頭睡衣              未買
43.跪地咕臣              未買
44.簽名布                 咩黎架? 但已有IDEA
45.男女家對聯           未買
46.上頭用品              未買
47.茶具                     已有
48.利是封                  未買, 但上年新年買入了姓蕭的利是封
49.婚前檢查              未攪
50.兄弟姐妹分工表     未攪
51.大日子Rundown    未傾
52.Honeymoon          有諗過去北歐

囍 - 伯大尼搶場 result!

比我想像中的快, 3/7下晝已經收到伯大尼的電話.
因為上網聽一講一般聽留言都要聽兩日,所以一般都會隔幾日先覆番.
咁快覆即係唔多人BOOK喇

一見到佢我之前怒打果個電話號碼就已經滿心歡喜
點知佢話
黃小姐你想BOOK的兩個時間都咁0岩各有一對情侶BOOK左快我少少打到我心諗
唔係呀話我都已經係對住天文台時間00:00打仲要一打就打通
加上成個6月咁多星期六日又會剛剛係我前面又會係同我同一日, 直覺上我覺得係冇內定的

得知唔得之後好失落,不過只好安慰自己可以慳D錢,因為租場費都唔平,又要安排車同埋佈置等等.

但唔知點解佢隔左半個鐘打番比我,話我知突然有人RELEASE左10-12個時間出黎(好奇怪,打得咁辛苦都會有人RELASE GE?)

我知道可以7日內覆所以唔理都話要左先, 其實諗諗下我終於知道點解會有人會肯RELEASE,因為呢個一定唔係佢的FIRST CHOICE,而佢都知道個時間會好趕.

因為如果10點要去刑伯大尼,8點就要係酒店出門,又要去埋男家屋企,之後仲要揾埋衫,真係MISSION IMPOSSIBLE!

但係我又真係好鍾意個場地,地點對我地酒店黎講已經係好近架喇,一生人一次,咁係唔係辛苦D趕D都要呢?
但由於呢樣野唔係只涉及我一個人, 仲有屋企人同埋D要好早起身幫你的兄弟姊妹.....所以真係好三思

不過點都好,好多人係知道我地FAIL左的時候都有安慰我話BOOK唔到係因為我果日係好好日!BOOK到10-12之後,又話好過BOOK唔到,BOOK到已經好好彩.

我都知呀!所以真係好多謝大家呀!!!我愛你地:)

囍 - 伯大尼搶場

唔係教徒而又想撓著爸爸的手行教堂，可以滿足到我的是伯大尼了。
得知有伯大尼教堂的存在係因為年幾前出席過中學同學的一個婚禮，去到伯大尼就覺得好靚，仲以為佢地係教徒添。


後來做research 發覺原來唔駛係教徒都可以係教堂行禮因為佢係演藝起的。

但係就知道係超難book仲要打電話去搶的。一心諗住我咁早開始搞我結婚信野實book到啦，點知原來只可以一年前先book得。

之前諗住係半島擺酒去到貝沙灣的伯大尼有點遠所以都諗住放棄的。點知最後去左香港果邊擺酒，所以最後都係回心轉意了。

要book伯大尼就要採取電話攻勢。發動了三十個朋友一齊踏入七月一日的一刻打去炸左條線。出動了what's app group 去號召所有朋友，send 哂講稿俾佢地，仲要一日前提一次，踏入00:00前又提一次。

就去到00:00果一刻真係好緊張因為好多人話如果00:01前都打唔到就一定凍過水因為我要的是星期六同埋最好的時間1-3點 which is 最多人搶的。

但點知我自己同埋好多朋友們話00:00都打到，個個都打到同一個電話號碼又咁容易打，何解呢？

而聽留言果個人一定會覺得我地呢班人好煩，不斷留言同一番說話。好搞笑。

唔理啦，一切由天決定啦。過幾日就會知個結果了。真係好多謝咁多朋友幫我打電話，好多唔係香港的，係機場，係街的都幫我。仲要好有心的覆番我。I love you all