Home hunting

今日二零一二年五月十六日，好有幻得幻失的感覺。因為好突然咁買左樓。

其實好記得我地兩年前開始睇樓。第一個屋苑睇的係又一居，無買到。之後睇的就係浪澄灣。一睇大家都好鍾意，有好多原因，而且好多次都係無緣分咁無買。

最近有一日地鐵經過奧運站，我係度諗佢會唔會突然開賣佢未賣的其它期數呢？點知突然間，真係好突然咁開賣佢五年都唔肯賣的果五期^ ^但恆地賣樓一向好奇怪，佢只係賣其中一座。

仲要只賣其中一半先。我地剛剛的星期六去左睇佢現樓單位。其實唔駛睇啦我地其實佢既好多個單位我地都睇過，所以好快就入票。

但之後一直都好驚佢個價會開得好貴。又驚無貨。好彩佢出價單時又唔係好aggressive 我把afford 得起的單位可惜唔多，就更加驚買唔到。尋日個agent 同我地講可能爭唔到，而且只要佢一有貨我地就要即答要唔要。萬一佢搶到個超低層或者超貴的都唔知點算。

尋晚佢同我地講佢果區分得一個單位，點知搶唔到。尋晚都好灰因為覺得我地俾一筆咁大的錢都唔可以選擇自己鍾意的，呢個咩世界丫！


點知今日有奇蹟出現，佢話搶到一個單位，樓層又適中而且又係我地想要的方位。真係好多謝我地的agent 兼好友Tom ku 佢真係好好。真係有咩都要搵佢仲要請食飯。

所以今日好突然要好早離開公司，跑去簽約。簽果一刻個頭好像blank 左咁。咁樣就揹左個債了。呢次蕭先生真係有壓力，要好快咁調配資金，佢仲忍痛咁賣左佢的最愛紅酒。

他就是那麼的可靠。

好啦，要節衣縮食啦，我唔理之後升定跌啦。我地終於有我地的安樂蝸了。