高海拔。香格里拉 day 2

今日係好辛苦的一日去左好多景點。 而家隻腳仲震緊。

一早係客棧食過好中式早餐之後，就出發啦。可惜尋日好搞笑個導遊無跟我地了，安排左一個好hea的導遊俾我地。成日唔理我地，只係負責帶我地去到要去的地方。

係去香格里拉之前，我地先去左兩個hea點 - 紅古 & 長江第一彎不過無咩野睇。影左幾張相就走左。

之後去左長江崖邊的觀景台食飯。最好食就係食左蕃茄炒旦 again :)

最經典係餐廳旁的廁所。真係wok到無朋友。 超臭有好多烏蠅好多屎同埋有雞叫聲。真係頂唔順，最後我都係嘔左，即下午食左的野無哂！

之後就係全日最wok的時候- 虎跳峽。原來佢係全世界第二大的山峽。個山好高好大，我地要由中虎跳峽行到谷底。條路超斜好危險，行左一個鐘然啲先行得完，落到谷底。

但個view好正好澎湃，望上去個山好高自己好渺小。但落左咁耐山都係時候好辛苦咁爬番上去。當中有一條叫勇者168的天梯要90度咁爬上去其實如果望番後面其實都好驚。

就係咁爬左好耐再行多半個鐘終於都可以回巢了。大家行完都筋皮力盡。上到車又再瞓。

但係架車超dun唔係瞓得太好。中除又比人叫醒落去睇左兩個景點- 迪慶梯田
And 吉達嫵草原. 個景好壯觀。有一大片草原，仲有好可愛的馬係個草原度。

行程仲未完，又到下個景點。龜山公園同埋月光故城。其實係一個像西藏寺廟，好靚有好多彩旗，最出名係一個識轉的轉經筒。內藏有好多篇藏文。望落去個view仲好像Italy ge florence :)


好快佢又安排我地去家訪藏族的屋企。但其實好commercail幫你影哂相叫你買，而且其實係由一個藏族的家族上至阿嫲阿爺下至阿妹都出黎唱歌跳舞。佢地唱到超大聲又高音。真係唔識欣賞真係好想搵個耳塞塞住對耳。

最慘係明明個團話會睇表現時有全羊宴。點知就係個表現時個個團都有，成隻羊咁上。只有我地就咩到無。睇到人地食到津津有味，我地真係連叫口號的力都無。皆因佢地會要求全場一齊dun地同埋叫 Yasai yasai yayasai yeah. 好肚餓之時真係咩都喊唔出！

晚餐於local的餐館進行，又是黃燜雞同埋蕃茄炒旦有少少嫌。入住虹橋酒店，廁所okay，只不過是沖涼的水一係太熱一係太凍。但人地話如果沖太熱的水會令到血液太循環，太凍的就會容易感冒呢兩樣都係會容易有高山反應。

而家係香格里拉天氣真係比麗江凍，大家都著多左好多衫。有人都開始有高山反應，心跳快左頭會痛。不過好彩大家都仲頂到可以繼續行程。

不過真係好累，大家一番到酒店就瞓左。