囍 - 帖

帖呢個task玩左我好多日，終於都可以暫時放低喇，不過成個過程真係一波三折，而且而家先至係開始。

蕭先生成日問點解我咁在乎將帖，都係通知人的一張咭jeh.但我自己覺得帖係你俾人對你的婚禮的第一個印象。人地收到你張帖，覺得好tui的話自然就會覺得你個婚禮咩都會好tui.相反你的帖是出自細心的話人地就會知你整個婚禮都係有俾心機的。

帖呢樣野真係豐儉尤人，有人用酒店送的，有人整到成個盒咁的。上至百元下至唔駛錢的都有。

我自己就一向鐘情於西式帖，因為崇洋。但一般的西帖唔會太平。初初睇過淘寶，但好多都係幫你印啲字係張白紙之後就黏上去啲咭度，但勝在平。

去過百利商場睇，收的係香港價，但好多都係淘寶款，個勝在同香港人溝通，無咁容易錯。

之後諗住係david bridals度訂帖，價錢合理，只係13-15左右一張。上網睇過外國人寫的comments都好正面。仲可以寄啲samples你睇添。我真係連款都諗埋架啦，sample都order埋去美國朋友屋企。但一路同david bridal staff email contact時，先發覺好多問題。第一，佢係可以印中文，但當ai樣咁直印落去，無design可言。第二，人地係外國，印錯左啲咩都可以成批refund 再印過。但我如果之後發覺有咩錯都無野可以搞，無理由臨時臨急先去再印架。從我request sample到我朋友係美國收到都要成兩個星期，我真係驚我一定會急死。結果放棄左，都係香港整穩陣啲。

但我對david bridal的design仲係念念不忘，於是我試下問下名帖可唔可以做到david bridal的style.唉！佢又話得喎，咁當然係有錢說做咩都得喇。但quot完個價又可以接受喎！於是我又精神起上黎，好積極咁搵我想要的style啦。再親自去名帖同佢傾。終於都confirm左我的design啦！

因為我之前係婚紗展join左名帖，佢基本張卡的錢有八折。最後又加左印中又印英，又加uv又燙金，埋單4600 240張。唔駛20一張，價錢可以接受。

但下一個挑戰就係我的diy啦，希望快啲收到帖可以快啲比我加diy啦！期待

睇住黑白稿同中交版先， 其實我覺得英交版係靚好多的，所以印中交都係為左親戚印的

位於灣仔的名帖

囍 - 帖

幾經辛苦帖呢方面終於都有左個定案了!!! 雖然未有HARDCOPY到手,但都已經見左初稿,感覺好滿意.不過整呢張帖真係一波三折

囍-logo and backdrop design

新年前去過101 forest 傾design 等到今日終於都有野啦。其實佢算速度快,只係我太心急想定哂啲野。

但今日收到ann俾我的design,我真係覺得好好。如果唔係錢的問題，好可能改少少野就可以finalise.

我俾佢的idea係想出面的backdrop係一間名店，好像chanel, cartier等等，因為我真係覺得呢啲就係自己喜歡的style。我特別希望佢可以參照laduree的門囗去做，間鋪頭門牌就係我地個名。因為我覺得laduree的門口好有法國的感覺。

今曰見到個design都好滿意，只係太多details,我覺得啲人企左上去都未必會留意到。我會想要啲比較clean的。

而另外一個大backdrop我一早已有idea,好慶幸佢地原來之前都做過，所以一，早就搞掂。

但logo design我覺得比較普通，唔係好選得落。但勝在我打比佢地，佢地都好樂意幫我整多幾個designs。

所以101forest係幾貴但佢的products都好有保證。

囍-evening gown in chinese style

每次行過啲晚裝鋪頭，又或者睇人地啲結婚相，總是見到啲人著起中式的晚裝好靚。
有一日同媽媽經過百利一間整旗袍的，櫥窗有一件好靚的紅色旗袍。媽媽同我都話好靚，試上身大家都話我著旗袍都ok,加上我諗起可以襯金器，一定會比用西式晚裝襯起仲好睇。而且我覺得我都未必有機會係人生中會著旗袍，除非將來娶新袍或者嫁女，所以就決定訂造番件喇。

初初試左件金色的，很高貴。但想到會同金器撞色，所以就選左紅色。帶蕭先生去睇，著左件有釘珠的，佢話好鐘意，於是就決定訂造一件。

呢間鋪頭好專業，並唔係果啲放個妹好仔係店，啲衫上淘寶訂的。全是搵香港師父造的。度身同意見都好專業。

佢地呢件收我2,380,因加釘株所以加500.可以選擇拖尾，另加500.但因我會用黎敬酒 所以唔做拖尾了。製作需時，要4月先有得出貨第一次試上身。

果度其實仲有幫媽咪整中式晚裝的，媽媽試完都好鐘意。下次去訂埋媽咪衫先。

囍-帖

呢排結婚D野開始入直路了,個人開始緊張起黎.一有時間就係度不斷諗結婚啲野.好攰.

近排開始諗印帖的事宜,一直都以為自己其實係有好多時間,點知先知道原來要好早要準備好個帖,比屋企人開始派,加上好多公司問我婚期幾時時,一聽到6月都叫我要早點搞.唉,又到左選擇恐懼症發作的時候了.

我一直都好希望自己的帖係西式的,因為我一直都對西式的paper stationary情有獨忠,但香港好多地方都只係中式帖比較多,我見淘寶都有得整帖,但質素參次,好多都唔係好得,話又話係韓式,但其實都係大陸印,仲要自己黏上的.

剛剛果個星期專登去左expo,有好幾間係印帖的,主要其實我係辰揾名帖,因為去過佢係灣仔的shop,都幾多款選擇,仲有啲係西式的. 好彩都無蝕左入場果40蚊,比左deposit$300有8折優惠.可以慳唔少.

但其實我都未選好的,因為我真係好想有tailor-made的帖,名帖果度好多都係用人地已經用過的款,改下色果度copy下就係咁,唉!但只可以話係一個不失的選擇.但最近我又係DAVID BRIDALS’ INVITATION 個website見到佢的帖都好靚,全西式,仲要平均一張平過名帖.搞到我心郁郁,但係online訂好驚有risk,雖然可送international,但萬一出錯左都唔知可以點改,但我真係好想試下睇下佢的quality係點,所以都request左d sample for free去我係美國的朋友度,等我自己再睇下,不過時間無多,要係3月頭左右做決定,唉,都係果句,有要求就會搞到自己好辛苦.

囍-DIY結婚證書套

好耐都絛無UPDATE我的BLOG喇,因為近排KEEP住忙緊搞婚禮上的細微野,開始緊我的RUN DOWN,發覺真係好煩,好多野都諗,同埋好多時都唔係你想像得到的,好多PARTIES都要配合,好似MUA, PHOTOGRAPHER etc.etc.而家都係寫住先,最緊要係要諗得好清楚果日每一個時間都帶埋,帶少一樣都唔得,開如覺得好緊要喇

而家晚晚都唔係瞓得好好,好多野都係度諗好多結婚的無聊野. 唉,我諗都係因為我呢個人,太多諗頭,搞到自己呢樣又想整,果樣又想整. 盡希望自己的婚禮係會好完美.但我諗有時候真係要收手,比得太多野自己攪,壓力就會好大!

不過整手作仔呢樣野係我自己好ENJOY的,所以我好努力咁DIY左自己的結婚證書套.

我係PRINTS度買左個PURE RED的結婚證書套,裡而就當然要有我地的結婚相喇,出面我諗左好耐點知可以整個燙金字,出去問左,原來要倒個模,成幾百蚊,又未必肯接,於是上網見到人地話可以自己燙金,所以就去左PAPERARTS度買左套字母,膠水印台,金粉同埋熱溶槍,(其實咁樣都唔平.,不過就勝左唔係ONE-OFF,可以番做好多次).

係紙上試左效果真係好好,但上到去我個布做的證書套上就唔係太起到突出的效果,反而就出左個VINTAGE的味道,哈哈.無所謂喇,反正係大家一手一腳做的.

等我下次都整左其他野,例如BDAY CARD,利是封等等,唔好蝕左我的INITIAL COSTJ

韓戰

講左咁耐，終於都同到中學同學去到旅行啦，由幾年前講到而家，一直因為要等齊人，大家come up with一個地點，就時間先可以一齊去到旅行。雖然最後都只係得番我地兩個，但就係因為少人，所以先就到。不過我覺得有心去就點都會做到。

韓國，係因為可以滑雪，可以行街的一個短trip.我地好efficient就買哂機票同埋訂埋酒店。

第一日座凌晨機，發覺原來老左真係唔可以坐凌晨機。因為個人真係好攰。記得我地一去到市區，落左車之後行唔夠十步可能因為身體好虛所以好凍，凍到我地要即刻走入去seven飲熱野。下晝仲攰到三點就要番酒店瞓覺。哈哈。

係韓國機場發生左個小插曲，有人攞錯左人地個行李囉，不過佢果個同人地的又真係好似的。好彩韓國人都helpful好快搞掂件事。

韓國真係好凍，第一日應該係最凍果日。我地諗，如果之後日日都係咁。不如留係酒店算啦。我地拖住行李搵酒店時真係好痛苦。

我地住的酒店叫hill house hotel, 行去明洞都要十分鐘，最近的地鐵站係會賢站。最痛苦係要行上斜路先到。酒店附近環境麻麻，但房間乾淨，同勝在平。包早餐，但好簡單，只有breaf, butter, jam and egg.

我地第一站係去東大門，未去東大門之前先去有blogger介紹話好啲人話好食的issac食個早餐先。佢位於明洞站4號站

東大門有好多商場，但係我地去到真係好失望，可以不去。我地行左doota!靚的就超貴，貴過銅鑼灣，平的就唔靚的。再到hello apm,真係不堪入目。簡直好似去左羅湖商業城一樣，無人行。啲鋪頭一見到人就好似水魚黎啦一樣。

失望到我只係勉強咁買左一件衫。之後去左廣藏市場，其實係好多間大排檔一樣，但食的野就檔檔一樣，老係豬脾，年糕，粉絲等等，我地都做下當地人坐低左食lunch.味道正常啦。

夜晚就去左樂天duty free買護膚品，真係好抵！本身tax free之外，visa platinum card仲有85折。平過出面好多，所以有咩第一時間去左樂天duty free先，無賣的產品先去明洞補。仲要print定d coupon出黎用！

果晚一抽二lun咁拎到我地死死下，走左去食那度香，地道韓國菜，平宜又好食，我地試左陪隊鍋,有面，粉絲，午餐肉，腸，材料好頹但都幾好食丫。仲有海鮮煎餅都好好食。

第二日就係最期待的滑雪日啦，我地選左較新的昆池岩滑雪場因為距離市區都只係40分鐘。仲要有free shuttle,但要早一日預約。我地係舍堂站上車，大約一個鐘就到。所以野都真係好新，但樣樣野都要收錢，租shoes, plate, cloth,lifting pass等等。因為大家都係第一次滑，我地就搵左private coach一對二教我地，全部野大約1,500左右。但我地個coach就認真麻麻，好hea成日都唔係好理我地，不斷叫我地行上個slope再衝落去學stop. 我地飛左去好遠，佢只會問where are you going? 不過我地最後都可以去到高一啲的地方自己滑，真係好好玩丫。由於時間關係，無搭到吊車去再高啲的地方自己玩。

我地決定下次要玩snowboard!! 玩到全身好攰之後就去明洞搵野食，雖然攰但由於明洞的街太多野行，我地行左一陣都買到好多無聊野。特別係artbox,韓國文具又平又靚，真係買得好開心。我開始對韓國有啲希望！

第三日為SHOPPING DAY, 好多人都話如果想買潮物,就要去弦大/梨大果邊, 因為近大學,所以好多野都會平d. 我地10點左右出發,去到弦大先11點左右,原來好多鋪頭都未開架,要起碼2點先開. 途中見到好多好有特式的cafe但都唔係開哂. 見d野未開都諗住坐下人地d cafe,但我地其實今次黎的任務係要食橋村炸雞的!因為坐左cafe會無quota食炸雞,所以我地放棄左cafe,先去食炸雞.

雖然叫弘大站的橋村店,但一d都唔近,要周圍問人先問到. 但個炸雞真係好好食呀,鋪頭只有一兩台客.我地點左spicy+honey  combo, 一藍有30隻左右,起初都以為食唔哂,好在有jane包底. (佢仲要到胃痛tim><)

弘大果邊真係好多野行,雖然好多人都話佢D BOUTIQUE賣的野都係係東大門度買番黎但只不過係擺得靚左,但係感覺上啲衫真係靚D同型D. 我地去左JANE細妹介紹的stylenanda, 果然係潮人必行的鋪頭:) 我地大家自如就可始瘋狂買野,直至到買到夠鐘買到無哂錢為止. 我地臨離開弘大時見到一間賣鞋的鋪頭d鞋好靚,入左去就不惑自拔了,明明話唔再買鞋的我又買左兩對鞋,因為真係好抵,$300就有一對ANKLE BOOTS同埋jimmy choo款的高跟鞋.因為比現金係平D,我真係買到得番W2,000.

我地好驚去到韓國係不斷行街 (雖然結果都係),於是我地決定要欣賞下人地韓國的文化就係睇NANTA喇,之前都聽聞係好好睇,又感覺上好似STROMP,所以點都要試下喇,我地只不過係睇最平的飛,$280左右,又真係幾好睇WOR,有好多笑位,有肌肉睇又有STROMP睇. D演員真係好落力演出. 大家都被SEXY GUY吸引左.

黎韓國我地講過一定要食烤肉!!!於是最後一晚我地係明洞決定要食烤肉!!可惜無哂錢又要再唱,哈哈! 我地睇書介紹左一間話好有人氣同埋要等位的烤肉店,點知去到得我地一台客,仲好似就快要收工咁,我地點左一盤牛同埋一個牛肋骨煲.係就係好正宗,可惜佢可能因為趕住收工,佢將我地啲肉一次過烤哂,仲要好鬼死HAI,香港好食好多囉(但最後問番人原來韓國食的烤肉係咁架)!但個牛肋骨煲就真係好好食!!係香港都未食過咁好食的, 而個老闆同嬸嬸就好鬼熱情,又同我地影相!食完之後我地話我地都係岩係香港食韓燒多D:)

話就話係出黎揾野食,但果晚我地都係明洞又行下街,結果又買左野,不過最多果個都唔係我,有人就話唔好比佢再買喇,但係最終未又係買左囉:)

最後一日係韓國了,今日我地行程係無的,只係周圍食下,CHECK OUT左我地去左我之前經過大家都話想試的ZOO COFFEE坐CAFE!間CAFE真係好我STYLE,同的係豹紋/斑馬紋杯.周圍都好多公仔,啲野都幾好食.

我地講講下, 笑笑下,影下相都搞到12點喇,之後大家就似住左係韓國的唔駛番工的闊太咁好自然離開左間CAFE就行去LOTTEE再買一D護膚品,感覺好似好熟路好悠閒咁. 最後努力埋駛埋D錢去買多少少手信就剛剛好耍走囉

最後一餐我地食左人地話去韓國又係必食的辣雞炒飯, 我地仲懶醒咁自己炒,點知原來D雞未熟就加左炒飯去煮.個STAFF睇唔過眼要即刻STOP我地,最後都係幫埋我地煮. 其實呢個飯好平但又幾好食WOR:) 仲可以玩下煮飯仔,不過又一次證明我地係唔識煮飯的

今次韓國之旅大家都買左好多野,不比去日本的少.兩個女仔去真係好好多,因為真係成日行街多,有男人去都只係岩滑雪,9年無一齊去旅行,但我唔發覺大家有咩有變化,我仲係咁鍾意搞花神野,佢仲係咁鍾意食朱古力同埋仲係咁WELL ORGANIZED

兩個人,雖然中間好幾年係生疏左少少,但係呢4日FULL DAY大家都再深入咁認識了大家,大家都係咁無所不談.

說好的,我地下次兩PAIR人去但係去濟洲,好嗎?