囍- My DIY {Can you be my bridesmaid invitation card}

其實結婚要人做你姊妹都唔係一件優差的事, 果日又要早起, 又可能擔心要著唔好睇的姊妹衫,冬天又凍,果日又要好似做妹仔咁,真係好慘!

所以我同自己講,我好想我的姊妹果日好慘,好多野我之前可以做定的,可以比錢揾人做的,我都會盡量安排左. 裙我會比佢地選擇,唔會因為自己對某程顏色有情義結而迫佢地著.

我唔會因為想有好多人做我姊妹而唔熟的都揾.因為我真心想佢係想大家高興而又樂意做先做.所以我只SET左6個姊姊,而不設伴娘,因為每一個人對我都好緊要,而且唔SET伴娘會令大家都會無分彼此.

所以我真係好想好用心咁整一張姊妹邀請卡,我係prints襯左紙,牛油紙,絲帶同埋信封. 之後就全自己DIY喇~

我初初構想張卡上面有一條白色的裙,但我又覺得每個人的性格都唔同,想因佢地的個性而pick一條裙比佢地,所以我上網揾左好多唔同款的.再用3D有厚度的膠紙黏係張卡面.

卡上同字係我自己諗的再print上去, 再自己每一張加上ribbons,感覺上elegant d! 中間夾左張牛油紙,上面印上果日的draft details, 最後再附上一張我同佢地各人的合照.

個FINAL PRODUCTS我都好滿意，希望姊妹們喜歡啦

囍-ring pillow

成日都係度諗住我行禮果日的情境。幻想自己有一對花仔花女，手持住一個介子枕。把介子送上俾新郎哥。

有一日執執下屋發現我買下買下儲落好多chanel的山茶花。就諗住幫自己整一個獨一無二的山茶花ring pillow!

我仲係淘寶買左D硬身少少的花。好快手就整左出黎喇！！！

囍 ﹣ my THE ONE

最後都真係要面對我的the one了，一直唔肯去做決定。 因為驚自己會後悔，但又好驚自己再遅D會無衫著。

好開頭去搵我的wedding gown時，已經好鍾意vera wang的white line. 我都算係不狂些生，著上過vera wang的正line。但當然太貴所以無買喇。但vera wang的white line就買得起。要係美國買都唔係問題，但要搵人改特別係臨結婚前的final fitting就真係好煩。所以都打消了呢個念頭了。

我係香港都有上過去可以租vera wang white line的鋪頭, 其中一間就係lovis sweet。佢D款好齊最緊要係佢地兩夫妻都好好人，咩都無咩所謂。但基於上次free trail果兩條，一件就太singature，身邊太多人著好驚同人重覆，所以無要。第二條就唔係著得太瘦。但普遍黎講，vera wang white line D質素都好好。令人好滿意。

但到呢幾日，我先有感覺知道自己想要D乜style。於是打去lovis sweet問下佢有冇果款同埋係唔係available，好彩都仲有。今日就同蕭先生一齊上左去試，年gown真係好靚，下面係ball gown style，但我好鍾意佢上面夠簡單，下面的lace好豐富。好適合我著黎行教堂。

所以我知道我的the one就係佢喇! 我而家有兩件婚紗, 一件窄身一年誇張下擺的，一次過滿足哂我兩個願望喇!

呢一刻我覺得OK但係可能我下一刻又會改變主意。不過唔緊要，最重要係我重可以無限任轉。反正我件件vera wang都OKAY：）

真好，可以搵到lovis sweet呢間鋪頭。 highly recommended :)

囍-our formal pre-wedding photos by photobyben

呢一年內影左好多結婚相，好多都係玩玩下的。重頭戲就緊係我地係威尼斯的結婚相啦。

由ben大師操刀的相同tarama親手制作的精美album終於到手了。有一個附帶住黑色絲帶印有photobyben的紙袋，用一個好像係巴黎cambo street Chanel 總店用的白色硬盒，加上我地選的紫色leather cover好精美。佢地用的紙質並不是出面上哂膠果種質地，而係好像品牌的宣傳專用紙。

不過有點擔心如果擺呢本出黎俾人揭會揭皺呢。不過錯有錯著，精明的我點算過之後發覺印刷商印漏左我幾張相，所以我地同tarama講，佢話會俾多本我！太好了。咁呢樣大可以俾人大揭突揭。

剛好今日朋友黎，趕得及掛上油畫。我地選了景大過人係貢多拉橋上影的為我地的油畫。好奇怪呢？！因為我好想張相一望就睇得出係威尼斯拍下的。意境！

如果中左六合彩，我真係想結婚前後再影多次photobyben。哈哈，因為真係好好玩。而家唯有寄望大肚先得啦

Roger vivier

終於明白點解咁貴的鞋都咁多人買了！因為真係好靚好靚同埋好高都好好著。

今日搵左個藉口著左上次係巴黎買的四吋黑色signature shoes，初初以為個爭係彎的就唔好著，但原來仲好著過ferra.

係香港賣5800一定唔捨得，但係果邊賣4200就對自己好一點！

最後還有平底鞋

呢兩日vip pre-sale但原來做vip今年係四萬，下年係15萬，。痴線！

囍-bethanie decoration

本想果朝搵兄弟姊妹幫手係伯大尼整decoration。但果朝已經好像打仗咁，加上去淘寶搵裝飾的野原來都唔平。所以就開始搵下vendor幫手，等兄弟姊妹果日舒服啲。

Facebook真係偉大的channel，有緣地搵到一間叫forever love decoration的，睇到佢post出黎的相都好靚。有哂theme,啲花的顏色match好哂。仲有埋所有枱面上的decoration

囍ーevening gown hunting

最近頻頻出動去搵evening gown 因為好驚果日無衫著。之前果件紫色到而家都未confirm。
不過今日行行下利時又貪得意去左果間感覺好怪異好多ruffle果間野。見有件紅色的ruffle長裙好靚。問一問價要一萬多，嚇死人。不過相信手工真係要咁貴，而且係全絲的。

但再問下有一件簡單一點，斜膊，而且條裙款係斜的。試左上身一件裸色的好靚，成件衫好修身。加上佢後面係可以索緊 corset style 。因為款式無咁複雜，叫價7,000。即刻心動。

想整件紅色的黎敬酒。但著左個裸包又覺得好靚。呢個心大心細的想法搞到遲遲都未諗好著咩好。煩。