入伙啦

由第一日我地有共識要為將來打算要買樓，睇樓，為兩萬為啖氣而錯失良機，唔開心左一排，放棄買樓，再決定買番樓，浪澄灣突然話賣，搶買，簽約，收樓，裝修，到今日足足有兩年。

今日百感交雜。蕭先生好俾心機整的設計漸漸成形，好鍾意。而家成間屋都好像動物園咁，好多野我地都係參照歐洲式的設計。我地之前去旅行買落左啲家品，呢幾日續漸拆出黎用，感覺到原來家係一步一經營的？

今日媽媽過黎幫我拜神入伙，一把風扇一盤水，希望風山水起。有包米喻意有財有米。今日因為係好日所以我地決定要係度瞓一晚先，遲啲送哂啲野黎之後先正式入去住。

送媽媽走的時候都有點唔捨得。同屋企人住左咁多年而家搬左出黎，屋企會少左個人。難免會有點傷感。

囍 ﹣ live band music picked

太好了，最後選好了我地的live jazz music band - LONGMAN
 佢地就係成日係ifc度為繁忙的人帶黎輕鬆的音樂的叔叔
雖然佢地係老左少少
但係我look for的都係old jazz music, e.g. vincent, you're so beautiful tonight, remember, etc.
因為我成日係餐廳聽到呢D歌都會好有感覺
而且我媽媽都係好鐘意呢D STYLE的歌

其實之前我係諗住係johnson ho music度落訂
但突然蕭先生提起佢好鐘意ifc表現的幾位叔叔
所以決定去quote下價

同longman傾左陣電話，發覺佢地唔掠水，好老實
而且佢地係four seasons & peninsula的表演常客，咁一定有保證

咁岩剛剛的星期六係IFC番工，就諗住去商場睇下佢地表現
又剛剛撞正佢地表演完
面對面咁傾左一陣，就係咁，我地決定要佢地幫我地做music
咁我地唔駛表演唱歌喇
YEAH！

Home sweet home

新居就快可以入伙了，好快就開始二人同居的生活。其實新居的野我無點幫手。次次都係蕭先生自己一個上去搞。我只係囗up up就算。

好多野佢都親力親為，間屋的每有個角落就算係一個制佢都係千挑萬選。原來蕭先生係連噴油，整電制等等佢都識。真係可靠的男人。

佢人生中送俾我最大的禮物就係呢一個咁溫暖的家。我諗入左伙之後我會好痴呢個家的。

囍-live music

其實我一直都無諗過要安排音樂亦無諗住會係結婚當日要有咩唱歌表演。因為我覺得我唔係搞緊公司周年晚會。

但我發覺開始好多人問我會唔會有表現有無抽獎。咁當然係唔會有啦。但開始諗下果日的流程，又發覺原來真係要有啲音樂進場，間場同埋敬酒。就開始諗下可能真係要有啲音樂的安排。

於是開始上網搵，我其實真係無咩音樂上的意識。但好彩網上好多b2b都有好多好有用的資料，我主要都係係佢地推介的再睇住budget黎揀。

講開budget其實我係氹左好耐蕭先生佢先肯應承的。因為其實都真係好浪費金錢，一晚咁樣就無左一舊錢。我其實都明的，但又，覺得有音樂真係會生色不少。好多謝蕭先生approve我的任性。

我其實自己都quote左好幾間價錢，包括dum 8, Johnson ho music, unison music and ladybird.

因為我其實主要搵saxophone performer,因為我覺得只有saxophone先可以有果種好搶的感覺。而第二種我想要的樂器就係鋼琴，因為可以多變化。

所以我主要用邊間saxophone比較吹得好的為首選。但我個人覺得最好聽的係ladybird，但可惜己已經有人book左！而家先知道原來音樂都要搶，救命！

ladybird music

http://www.ladybird.com.hk/

另外一間係unison我知佢無點做宣傳，但一定係實力的保證。但我打去問價錢時，quote果個價當然係好貴要兩萬左右，但我唔喜歡的係第一佢原來果日已經會係我酒店二樓有performance，同我講電話果個in-charge講明佢會幫比最貴錢果對新人。之後仲特登鋪排引我問佢問題等佢可以講郭炳湘個媽咪都係用佢地。我知道unison一定係有質素的，但佢果種鐘意serve有錢人的感覺唔係太好。

unison production

http://www.unisonpro.com.hk/

至於johnson ho music， 我睇過佢的demo佢琴真係好好，但saxophone就ok la， 始於聽過ladybird eric的saxophone performance真係太正，但佢的價錢確實係reasonable。唉，都係再research下先喇!

johnson ho music

http://www.johnson-ho.com/

不過最驚係好快FULL因為好似好多人已經都book到下年6月了。又要搶， 真煩！

囍 - bridal solo photoshooting

Yes pre-wedding photoshooting again!!! 哈哈，第四次？應該係。但今次係我自己一個的solo.

之前係Facebook 見到個half price package $940影一輯b2b solo photoshooting. 我見又包埋化妝又有婚紗包埋都幾抵，所以就join左。之前仲驚緊自己一個上去影，會好怪好悶。但今日上到去又okay wor.

個攝影師同化妝的係情侶，應該話係新婚的夫婦，但相信年紀你同我差唔多。佢地結完婚就自己出左黎開左間影樓，幫人地影結婚相。

其實創業真係好難，因為其實影婚紗相的競爭真係好大，個市場上多的是。而且佢地年紀比較細，好多人對佢地的能力一定有猜疑。

佢地同我傾偈的時候都有講過話好想做到好像photobyben 咁但其實一啲都唔易的。慢慢做起啦。但眼見佢地的攝影器材都好落本，好認真，真係都好希望佢地可以成功。

本來揀左用白底的我，大家影影下都不以為言咁一致覺得我都係要走型格路線，用番黑底吧。果然，真係一換左黑底就上左身咁，咩pose都擺到。。

佢地話我好識擺pose問我係咪俾photobyben train過，哈哈可能係，真係想講笑咁講話係天生的。

影左百幾張，有一個造型我好喜歡。嘿嘿。其實之前影的並唔係唔好唔鍾意，而係我覺得我都無好好的，認認真真的著住婚紗咁影過專業的。今次全身大頭咩都有，真係可以令自己後生著婚紗留倩影啦！真係無悔了。

呢啲係我用手機係電腦影的，遲啲先有retouch Jor 的。

開始愛上panerai

一向係Chanel fans的我一直都覺得j12永遠都係我的良伴，直至蕭先生因為要換錶，那只我聖誕送上的pam210就自然轉嫁俾我。

起初沒有甚麼的感覺，但當我知道可以換上鮮色的皮帶就開始有興趣了。

但因為要由男裝錶轉成女仔錶帶，我隻手又特別幼，所以原廠的鮮色帶找不到。但罕見地專門店有鱷魚皮啡色短帶。就決定將佢由黑色變成啡色。

嘩panerai的店員幫我轉左之後就好像成帶新錶咁，好有生命力。戴上手就感覺到點解蕭先生咁鍾意了。

女仔戴男人錶襯causal wearing好型。

10.1四連休

很久沒有update了

十月頭的4天的假期實在係太爽了.

從前的我一定已經嚷著連假要去旅行,但今次就沒有這樣的感覺

可能因為開幫手處理新居的東西(是幫手而已,實際用得著我的地方實在係太少)

二來買左樓之後不敢亂駛錢了

所以呢個假期休息多左,做左好多自己喜歡做的事

打左4個鐘的羽毛球,燒左野食,跑左步,跳左STEP,拋左飛標,睇左兩套戲

食左好多野

這樣的幾天假期運動多得黎但又可以話係休息左

因為真係做左好多我想做的野

2OCT預先慶祝左我同蕭先生的73個月紀念日

我地今次選左遠一點的淺水灣酒店的露台餐廳

而家先知道原來佢係好FULL好難BOOK的因為原本想食佢的SUNDAY BRUNCH排WAITING都要排廿幾人

最後選左食番平時的SET LUNCH但都好FULL

以HKD350一位黎講,頭盤同埋DESSERT都係BUFFET形式又有MAIN DISH都算係好抵食

其實露台餐廳係半島集團的,我地覺得佢地野食同埋質素都好半島

頭盤有十幾樣野食,好多HAM同埋沙律野食, 個MAIN DISH都好好,我地點的牛同埋VEAL都好好食,但我最愛的還是DESSET，樣樣的dessert都好好食，特別係個bread budding有美國thanksgiving時係李師父家食過的一樣好食(which is 我覺得人生中最好食的bread budding)

所以以咁的質素真係都好抵食

之後我地仲係淺水灣酒店度食下， 見到好多人影婚紗相. 

所以黎呢度食野真係好有一樣幸福的感覺

露台餐廳 The Verandah

地址 :

淺水灣淺水灣道109號 http://www.openrice.com/restaurant/sr2.htm?shopid=3722