囍 pre-wedding styling

又係一件要諗好多野的事因為我個pre wedding photoshooting 係要自己帶衫的

要考慮到第一租的話一般兩日三夜的package 一定唔得因為我要一租租成十幾日我問過要好貴

其實一直都想去淘寶買之前係峇里時試過，唔係唔好只不過未必咁fit size 都係要出去俾人改。

所以真係好苦惱。但上網睇到有好多人去一個叫wendy度整婚紗，好多人都話好好同埋唔係太貴。

加上其實我仲未試過著真正的婚紗都未知咩係適合自己。好多地方要試衫都要俾錢先有得試。但人地就話wendy好好會俾好多提議你。

但佢好難搵，佢自己都話懶的人搵唔到佢的。約左佢今日見面上左佢係尖沙咀的樓上鋪試衫。佢知我今日一定做唔到決定，但就可以睇下自己鐘意咩衫咩款先。

佢個人真係好好人，不斷俾意見我。又介紹左好多唔同的款俾我。佢一見我身型就知咩適合我咩唔適合我。

佢又會係我立場諗考慮埋我去好遠唔好拎唔重的去。又話我著咩會肥咁。最後我睇中左一件lace做的貼身婚紗短裙之後仲可以加上一個下擺釘上左好多白色玫瑰的紗。


佢仲介紹左一件性感的紅色晚裝俾我著得好瘦好高的。初初呢件衫佢無諗住介紹俾我因為中國人去到歐洲一般會收斂一點唔會太誇同埋太性感。但我無有怕。

但最後都未真係訂因為我想再諗清楚我的style先。但心中都有數了。



但最緊要係減左肥先。


Wendy Tong 
9414 4769 尖沙咀加連威老道信基商業中心 13 樓 B 室

囍 ﹣ MUA試妝

好多人擺好多時間去搵MUA之後又會不斷去比較邊個好D邊個化得靚D
而我都有花過數小時去尋找資料，因為我真係完全無IDEA究竟幾多錢同埋有咩人撰

由我唔知MUA STAND FOR咩到究竟現時有咩人出名我都已經知哂
因為我真係有上網搵過

但我真係對呢樣野無乜要求好奇怪
因為有好多B2B都會好著緊邊個做自己的MUA
但可能因為我真係低估左化妝的力量

我雖然日日都化妝而我都知專業的係可以好唔同
但我真係覺得其實比個阿ZING你，你係唔靚就係唔靚無氣質就係無氣質
所以我自己會考慮個MUA SET頭的能力多D
同埋最緊要係唔娘同埋個人NICE

我家姐結婚時用的所謂星級化妝師
真係一點都唔好，會黑面， 有架子， 有自己諗法同埋唔會好有心同你做

所以我一早就已經放棄左甚麼的星級化妝師
我選的時候會睇D MUA的BLOG，特別留意佢地的SET頭TECHNI
一見到佢地會用皇冠我就會X佢地

最後點了幾個
心目中有一點排名之後就續個SEND EMAIL問佢地有無期
同埋幾時排到試妝

我自己覺得一切都係緣份
邊個覆我先同埋早D排到期試妝的我就會選

好彩我最強頭3位中其中一個JOE＠HOOLALA好快就覆我
試妝HKD600， 因佢地一般星期六日都係會出左JOB（如果WEEKEND都IDLE即係好極有個譜）
所以只可以WEEKDAY試

但我唔會好似好多B2B咁一次過落幾個MUA訂
到時再比較

我PREFER比一個試一個唔OKAY先再搵， 因為你試幾個如果第一個就好
你之後BOOK左果D比哂錢咁就會蝕
如果你懋睇哂幾個先決定， 咁樣你一定會好煩， 浪費D試妝費同埋如果決定食回頭草
個MUA對你無咁心使因為你都曾經對佢無過信心

但呢D野真係因人而已
我尋日就好快咁去左JOE度試妝， 一TAKE搞掂

家姐係過來人所以陪左我去， JOE比我的第一個感覺係好COOL好細個
但佢其實比外表大10年同埋只係做野時認真

一去到佢問我要吽STYLE我話唔要MK同埋簡單高貴一D就得
即刻好EFFICIENT就有3個佢的助手幫我燙頭
佢就幫我卸妝同埋化喇

真係好快45分鐘內化左個妝，15分鐘內SET左個裙掛頭
好滿意同埋真係好AMAZING360真好3D同埋有野睇
隻眼起初我覺得化得太誇

但原來影左相出黎就唔會有咁的感覺

佢仲叫我著件潮掛教我擺唔同POSE影相
之後就好快咁換左個晚妝又影左一輯相
全程只係兩個鐘就試左兩個妝

我見我CONCERN的SET頭能力JOE都做到好強同埋佢知我要D乜
所以我好快就CONFIRM左佢做我的MUA

HKD12，000全日但就唔包媽咪同埋姊妹
比一般的費了一點但我覺得接受到所以就決定了


之後佢仲會SEND留一張PDF比我裡面有好多我試完妝影的相
真係好服務同埋睇得出佢真係好有經驗

雲南的二三事

想到幾個points想同大家分享下，下次去大陸旅行可留意：

。一定要帶備暈浪丸同埋吹氣枕頭陪你搭長途車，無左佢我諗我嘔左十萬次

。要自備好一瓶朱古力醬用黎搽無味的饅頭，同埋自備杯面以懷念番香港的美食

。要帶備一個可以charge iphone的外置電池，搭太多長途車成日無機會叉電。好彩今次elkie帶左個可以一次過叉4部電話的電池，可令我地係車同埋飛機都有娛樂

。提早幾日準時食紅景天以防高山反應。我地早定四日就準時食藥，果真無人有高山反應

。要帶購自香港的雨衣。只質素好好多。我地有啲係當地買的雨衣，一著就爛影相好樣衰

。要帶夠春夏秋冬的衫因為雲南天氣變化多端，我地又見過藍天白雲又見過雪同埋冰雹

。要帶多幾對鞋因為行好多泥濘的路

。去公廁一定要攞兩張紙巾。一張用黎庶齁一張用黎去廁所用的。記緊唔好帶其它野去廁所因為係踎廁好容易跌野落條漕度

。控制自己飲水的時間，盡量避免要係酒店以外的地方去廁所

。帶備冷帽或者其他cap帽因為去到好大風的地方影相時個頭係唔見得人的

。報local tour 時問定咩景地要勁行或者廢，盡量改左佢

。如要搭大陸航空敬請自備飛機餐因真係超難食的

。記得帶多一點人民幣因為真係唔係度度可以攞錢

。薯片可以食大陸出的但朱古力等要自備。我地試過好多不知名的薯片都okay。不過千期唔好第一日就食哂所有零食

。有熱心供應的時間要留意，盡量先問清楚reception幾時有。千期唔好除哂衫先試水温

。成團人一定要有個普通話了得的人。不然會發生好多誤會。例如騎驢子變食驢子、很憂鬱變很優秀等

。要帶一個可以係大陸用到的電話

。先開個微博先出發因為大陸真係咩都block哂，facebook上唔到報紙睇唔到。彷如與世隔絕

。千期嘔好食大陸的豆腐因為真係好臭又或者係豆味好重

。導遊問你有咩唔食的，記得講清楚唔食內臟同埋重申我地正直青春期其實要食好多肉

。買野記得講價同埋要行多幾間先好買

。訂tour book 車的時候記很屈女孩子比較多行李比較多所以要架大一點的車。佢真係會安排大啲的車比你

高海拔。返回香港 day 6

最後一天了。尋晚瞓得超好但起身果一刻都有少許頭痛。沖個熱水涼就要收拾行李準備check out.

是日無行程安排，只是在古城行行最後衝刺買手信。成班人一齊講價買cushion cover、鏡盒等等。講哂價先知道前面果啲鋪頭原來唔駛講都已經平左。買了很多布藝的手作。買了一隻布驢仔我叫佢做的驢。

每人食左個朱古力包做早餐，其實8蚊個仲貴過香港。黎雲南一心諗住食雲南米線，其實導遊都講左係雲南的米線係嘔好食的。但點都要試下，點智真係唔得。我發覺香港的譚仔真係超好味。

尋晚已經諗好要掃街食街邊小食。但日頭的情況下睇清楚又唔係真係咁好食同好多油。所以只食左雞翼就放棄左。

行到兩點多就番左客棧度玩三國殺。真寫意真正感受到發呆的意境。

坐七點的飛機離開麗江去深圳保安機場。因知道要坐的是南方航空所以我地特登買定肯德基包上機以自備飛機餐。

諗住六點去到都可以啦，點知原來好多人都mark 哂位要分開坐。唉四個鐘的飛機要靠iPhone 度過了。

去到深圳都已經十一點要再轉車到黃崗先可以番香港。

高海拔。返回麗江 day 5

今早一起身就發覺特別凍，個窗好像不斷有風打到咁。感覺就像香港八號風球時安在家中的感覺。原來外面落雪了！之前講過雲南好耐無落雨，竟然就比我地遇到雨、雹同埋雪。真係好奇怪。

所以大家都著到厚厚的衫上路。

今日大家都預左係辛苦的一日，因為全日都會係坐車。坐番哂我地day 2由麗江到香格里拉再到梅里的回程路。車程大約7-8個鐘。好攞命。

我暈車浪有前科，所以都不敢鬆懈。食定暈浪丸。但啲路真係好岐嶇，好dun。尋日騎驢仔之後已經大家個尾龍骨好痛，而家仲要dun多幾個鐘。架車又焗，呢程車大家都嗌哂救命。加上下了大雪，條路好滑好危險。

幸好。我們的師傅駕駛技術很好，大家都安然無恙。

我地經過五個鐘的車程黎番香格里拉。即刻出番太陽，又是藍天與白雲。之後突然叫我地落車去到一個景點叫水廉洞。哪個景點導遊已經話係好無聊。

點知真係好無聊，又要爬梯點知都係得個洞咩都無，點知真係超無聊。

午飯是，今次真係頂唔順啲油膩菜。要出動自備的杯面。真係好掛住香港的美食。個導遊第一次同我地真心交流，佢話我地係佢帶過咁多團最好帶的。因為係最無要求的咩都唔會投訴。

又係的。我地唔需要佢提供氧氣俾我地吸，又唔需要提供預寒衣物俾我地。去到邊都唔會要求更換行程。原來我地報的團是vip可以點都得，改行程又得，提出去邊度停車影相都得。唉佢今日先講實在太遲了，如果佢早啲講我地一定會改啲hea的地點。

終於都坐夠八個鐘的車了。我地番到麗江了，入住番我地第一晚覺得好的客棧。正有得沖熱水涼，即刻覺得好爽。

之後就去左古城外食晚飯，客棧的人教我地唔好係古城入面食野因為無咁好食同埋遊客價。我地好想食火煱所以選擇左一間食雞煲的。

雞是新鮮可以自己選擇的，用炭爐燒的。先食雞飲雞湯再放火煱料。粟米羅白粉絲最好食。

食完都成九點了。今晚的月亮係超圓，滿天星星，抬頭就望到。古城好熱鬧，原來有好多鋪頭都開得好夜。

我地其實個個都帶唔夠錢，好擔心無錢買手信，所以我地就抱住好緊張的心情搵銀行攞錢好彩最後都成功攞到人民幣。成個人開心哂可以買手信了。

雲南最出名應該係茶葉同埋加啡。所以每樣都買左啲做手信。

古城入面有好多酒吧同埋夾歌，發呆的cafe。好多人會唱到好像失戀咁同埋成人都loop住唱果幾句好麗江feel的歌。

高海拔。梅里 day 4

較左鬧鐘七點三睇日照金山，起左身一秒就瞓番因為太大霧咩都睇唔到。可以瞓多一陣。其實日照金山是我地大家初初最期待的，但真係要睇彩數。唔係成日睇到。只好期待明天。

尋晚明明有熱水沖涼，一起身除哂衫諗住沖涼點知原來白天就無熱水。由於呢度太高，熱水供應有限，只可靠太陽能儲水。熱水供應只限於夜晚。shit一早沖左個凍水涼，好驚自己感冒因為如果係呢度病左係會好難好番。只可狂食藥令自己唔好病。

係呢度食得最多的是菜，第二係藥之後先係肉。

人地話雲南好乾，因為兩年無落雨了。但唔知點解我地一黎到就落雨。

之後就坐一個鐘頭車去梅里雪山。個路程又係十分痛苦，條路又窄又dun。由於落雨關係，大家都要著上雨衣，成個藍精靈咁。

聽導遊講如果要行來回呢個雪山，要行五個鐘，但原來可以騎驢仔來回。RMB180一個驢伕負責兩隻驢。我掙扎左好耐好唔好騎佢地，因為真係好殘忍。

但基於大家都已經累大家都決定騎驢，所以只好唔好意思一次啦。條路真係好斜。自己行應該會死，但我騎上去的時候真係心都痛埋，睇到佢永遠都好卑微咁低頭行，背著重重的我，又要比主人呼喝。

我騎的驢叫「拉不走」又名劉華達。佢好乖的從來都無捽我落地又唔會好像patpat果隻咁行Z形。個導遊安慰我講其實如果我唔幫襯佢地，啲驢仔就唔會有佢地生存的意義，佢地就可能會被驢伕食左。但我其實覺得無雞就唔會有旦，無我地就唔會有佢地。

沿路景色優美，上到雪山中間食左個簡單米線。就開始向冰川的地方出發，果度真係人間仙境，有桃花，雪山加上彩旗，真係好靚。大家都係果度影左好多photos of the year。一路上就越接近冰川的地方。路不難行，但有一段路因有雪崩所以不能再前進只好回程。但我地能夠親眼見到雪崩真係奇觀。

回程時要自己先行一段路，再騎驢仔。來回都要騎住佢大約兩個鐘。辛苦哂啦拉不走。

今日行程比較早完，五點多就食晚飯。六點就番到酒店。一心諗住夜晚有熱水點知原來今日天氣不好，未有熱水供應住。我同carmen 不斷「步」住佢幾時有熱水，最後等到佢有少少熱水都急不及待去沖涼。果個水的力度就恍如撒尿小童像條水柱一樣。

夜晚大家都知道實睇唔到日照金山圕唔駛早起身，所以大家玩三國殺玩到好夜先瞓。carmen 又爆出笑料。反間

高海拔。香格里拉 day 3

第三日了，但仿如已經黎左好耐做左好多野咁。

今早要六點多起床，之後去年食酒店的早餐。點知原來個早餐係唔係係酒店裡面，而是要走去一間好像工廠的地方去食。食的野係我唔喜歡的，啖味的白粥，饅頭同埋雞旦。好彩最後出現左一碗面。

今日行程主要是坐車唔駛行就會車到景點。第一站是松贊林寺，亦稱小布達拉宮。現場睇真係好震撼，低密度的建築，莊嚴的寺廟，有一個充滿旗海的湖泊。感覺真的很像彿羅倫斯。

但係當中的樓梯好wok一路上一路會好容易有高山症。但係果度影的相都好靚。

我地黎雲南真的已經歷了它的春夏秋冬，係松贊林寺度落雹。直係估唔到。


之後跟住不斷坐車，但條路實在係太爛了。一路都好dun， 搞到我好想嘔。暈車浪。

沿途經過伊拉草原同埋納伯海，但係雲南實在太乾了，沒有很綠的草原同埋好藍的海。

之後我地就要離開香格里拉了。到達了奔子蘭食午餐。今餐真係好wok。6碟菜裡面5碟半都係菜的。最好食都係個炒粟米。

之後車一路向上走，去過有4，200海坺的白馬雪山。可以近距離睇到雪山，仲可以撚雪。

之後仲經過迎賓十三塔，係一個萬里無雲充滿著彩旗的地方。十三個白色的塔都是藏人的墓碑。

跟據個行程話今晚會安排我地去一個有落地玻璃的酒吧讓我地分享攝影作品同埋梅里的往事。點知其實只是安排我地去間好頹的餐廳食飯，只因有wifi所以大家用what's app send 番啲相俾大家以配合主題。

晚餐又是很多菜的一頓。太早食飯大家都無乜胃口。只顧上網，因沿路都無得上wifi， 所有野都block哂。有得上大家都機不離手。

是晚入住的是觀景天堂酒店。呢間洒店所有房都面向梅里雪山。好運的話，早上日出時可以睇到日照金山。

環境比我想像中好，有熱水沖涼，但水力很少。但房間很好，真的是可以看到整個雪山。

夜晚活動是三國殺，但玩左三鋪大家都累了。因為第二日要好早起身嘗試睇日出。